Takimi në Bruksel për luftën në Ukrainë/ Peleshi për Report Tv: Shqipëria do shtojë prezencën e saj në Kosovë! Blerja e dronëve nga Turqia, vendim i zgjuar

Takimi në Bruksel për luftën në Ukrainë/ Peleshi për Report Tv: Shqipëria do shtojë prezencën e saj në Kosovë! Blerja e dronëve nga Turqia, vendim i zgjuar

Në një intervistë nga Brukseli, ministri i Mbrojtjes, Niko Peleshi

TIRANË- Në një intervistë nga Brukseli, ministri i Mbrojtjes, Niko Peleshi ka dhënë detaje lidhur me takimin e gjashtë të Grupit të Kontaktit të Mbrojtjes për Ukrainën, ku tha se me qëllim rritjen e sigurisë, Shqipëria do të shtojë prezencën e saj Ushtarake në Kosovë. Në një intervistë në Report Tv, në emisionin ‘Studio Live’ me gazetarin Arbër Hitaj, Peleshi tha se ka pasur një bisedë edhe me sekretarin e mbrojtjes të SHBA, ku në fokus ka qenë sulmi kibernetik i Iranit ndaj Shqipërisë.

“Është dhënë garanci dhe mbështetje nga të gjitha shtet për vazhdimin e misionit në Bosnje, që rrezikon nga Rusia, por të gjitha shtet u gjendën të gatshme që të vazhdojë misioni dhe të ketë siguri në Bosnje. KFOR , shtetet kërkuan rritjen e prezencën, dhe unë thashë shtim të prezencës tonë në KFOR, u trajtua sulmet kibernetike, pata një bisedë të shkurtër me sekretarin e mbrojtjes të SHBA, e informova edhe për marrëdhëniet diplomatike me Iranin, jemi pjesë e një aleance dhe na jep mundësinë që ta përballojmë në mënyrë kolektive, i kushtoi një paragraf të rëndësishëm kësaj çështjeje, ky session do na vlejë për të realizuar strategjinë e re të mbrojtës kibernetike, kemi një paketë të konsoliduar të marrëdhënieve tona, është një luftë e re, që kërkon burime financiare dhe kapacitete njerëzore, kemi krijuar programe masteri dhe edukimi për mbrojtjen kibernetike. Në ministrinë ë Mbrojtjes së bashku me SHBA po ngremë qendrën për mbrojtjen kibernetike, me vlerë 20 mln euro, ka vlerë takimi i sotëm dhe vendosja e kësaj çështjeje në fjalimin e sekretarit të mbrojtjes së SHBA”, tha Peleshi.

Ai theksoi edhe një herë se Irani nuk ia ka arritur qëllimit që të fshinte të dhënat e rëndësishme të Shqipërisë, teksa theksoi se ky moment do të shërbejë për të krijuar një mbrojtje më lartë.

“Sulmet janë të vazhdueshme, sulmi i i orkestuar nga një fuqi e madhe siç është Irani, në anën e së keqes, ka pasur qëllim që të fshijë të gjitha të dhënat, por nuk ia ka dalë, na bllokoi, por nuk na ka humbur asnjë e dhënë, nga këtu do të ndërtojmë një mbrojtje më të lartë”, shtoi ministri.

Në fund, Peleshi tha se është diskutuar edhe skenari për përdorimin e armëve bërthamore nga Rusia në luftën në Ukrainë, sipas së cilit do ishte një çmenduri, e ndërsa solli në vëmendje edhe blerjen e dronëve turp, për të cilët u shpreh i bindur se është një blerje e zgjuar.

“Nuk mendohet që ky është një skenar i mundshëm, do ishte një çmenduri. Blerja e dronëve është një zgjedhje shumë e zgjuar, dhe do e shikoni që do kthehet në ndihmë të për komunitetin”, përfundoi Peleshi në Report Tv.

Peleshi ishte pjesë në takimin e gjashtë të Grupit të Kontaktit të Mbrojtjes për Ukrainën. Në këtë takim të thirrur nga Sekretari i Departamentit të Mbrojtjes së SHBA-ve Lloyd Austin dhe Shefi i Shtabit të Bashkuar të SHBA-ve, Gjeneral Mark Milley, në selinë e NATO-s në Bruksel, ishin të pranishëm përfaqësues të afro 50 vendeve aleate dhe partnere. Qëllimi i këtij takimi ishte adresimi i kërkesave të  Ukrainës për kapacitete ushtarake dhe joushtarake të nevojshme për vijimin e reagimit ndaj sulmit të paprovokuar të Rusisë.  Në diskutimet e përfaqësuesve të lartë të shteteve aleate u konfirmua uniteti në mbështetje të Ukrainës.

Lajmi në ëeb u përgatit nga gazetarja Brunilda Kazani

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Masakra në Moskë me 143 të vdekur, Ankaraja: Sulmi i ISIS i pamundur pa ndihmën e shërbimeve të huaja

Masakra në Moskë me 143 të vdekur, Ankaraja: Sulmi i ISIS i pamundur pa ndihmën e shërbimeve të huaja