Prej 1 janarit profesionistët e lirë në të gjithë vendin që ofrojnë shërbime profesionale do të tatohen me dy fasha 15% kur fitojnë deri 14 milionë lekë dhe 23% kur marrin mbi këtë shumë.
Drejtori i Politikës Fiskale në Ministrinë e Financave Niko Lera në intervistë për Report TV, sqaron përmes shembujve se si do të funksionojë skema e re e taksimit.
“Tatim 15% llogaritet pasi nga e ardhura e një avokati, doktori, noteri etj, zbriten të gjitha shpenzimet që ai ka, ose zbritet një shumë e supozuar shpenzimesh”, pohon Lera.
23% tatim do të paguhet për çdo lekë mbi vlerën 14 milionë.
“Një avokat, që fiton 200 mijë dollarë në vit, për 140 mijë dollarët e parë do të taksohet me 15%, ndërsa për 60 mijë dollarët e tjerë do taksohet me 23%. Në të gjithë të regjistruarit si persona fizik, pra janë 90-100 mijë të regjistruar vetëm 0.3% e tyre deklarojnë fitim neto mbi 14 milionë lekë”, sqaron Lera.
Kjo skemë taksimi thotë Lera, krijon barazi mes të vetëpunësuarve dhe punëmarrësve, edhe pse punonjësit do vijojnë të paguajnë më shumë.
“Barra fiskale vazhdon të anojë nga të punësuarit. Nëse kemi një punëmarrës me pagë 100 mijë lekë në muaj, për të shkojnë në buxhetin e shtetit në formën e tatimeve dhe kontributeve 37% e kësaj shume, ndërsa për një të vetëpunësuar me këtë nivel të ardhurash, vetëm 16% e të ardhurave të tij kalojnë në buxhetin e shtetit. Pra jemi 2.4 herë më shumë taksohet një punëmarrës krahasuar me një të vetëpunësuar. Apo nëse një punëmarrës me një pagë mujore 200 mijë lekë, në formën e kontributeve dhe tatimeve jep në buxhetin e shtetit 36% të kësaj shume, një i vetëpunësuar me këtë nivel të ardhurash jep vetëm 14% të kësaj shumë”, pohon Lera.
Lera thotë se taksimi i kësaj kategorie ka efekt pozitiv edhe tek skema e pensioneve.
“Po ta marrim nga pikëpamja e kontributit në buxhetin e shtetit dhe nevojat e buxhetit, kontributet e sigurimeve shoqërore për të vetëpunësuarin paguhen mbi pagën minimale, pra tani paguhet 26% e 40 mijë lekëshit, ndërkohë që kontributet për një të punësuar janë mbi bazë të pagës që ai merr. Skema e kontributeve shoqërore është gjithmonë e më shumë në vështirësi. Ne sot financojmë nga paratë e përgjithshme publike 1/3 e skemës së sigurimeve shoqërore. Si mund të mblidhen më shumë të ardhura? Duke kontribuar të gjithë në buxhetin e shtetit, jo disa të jenë të përjashtuar përjetësisht dhe disa të tjerë të paguajnë vazhdimisht”, tha Lera.
Sa u takon akuzave se skema krijon pabarazi mes biznesit të vogël që nuk paguan taksa deri në vitin 2029 dhe profesionistëve, Lera përgjigjet me një shembull.
“Një profesionist i lirë në çdo 100 lekë arkëtime pjesën dërrmuese e ka fitim neto, pra 70-80-90% e ka fitim neto. Ndërsa një tregtar, një minimarket në 100 lekë xhiro që bën, fitimi i tij është deri 10%, jo më shumë. Tani si ja vlen të taksojmë më parë një që fiton 90 lekë në 100 lekë xhiro apo atë që fiton 5 lekë në 100 lekë xhiro?”, pohon drejtori i politikës fiskale.
Lera shpjegon se fasha 23% është vendosur vetëm për të mos ju lënë hapësirë bizneseve të mëdha të kalojnë në statusin e personit fizik dhe të përfitojnë nga një tatim më i ulët.
“Personi fizik 15% ose 23% për fitimet mbi 14 milionë lekë, ndërsa personi juridik (biznesi i madh) 15% tatim fitim +8% dividendi. Dhe kemi llogaritur që barra tatimore të jetë e njëjtë”, tha Lera.
Brenda muajit dhjetor Këshilli i Ministrave do të miratojë edhe listën me kategoritë e profesionistëve të lirë që ofrojnë shërbime profesionale, që prej vitit të ardhshëm do të futen në tatimin progresiv me fasha.
Komente
Lajme të tjera
-
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Buxheti 2025/ Si do të shpërndahen 8 miliardë euro! Fjala e plotë e ministrit të Financave Petrit Malaj
18 Nëntor, 14:33 -
SHIFRAT/ Fitimi bruto i bizneseve vjet mbi 3.4 mld euro! ‘Trofeun’ e merr turizmi, por bizneset prodhuese më fitimprurëse
9 Nëntor, 18:27
-
‘Refuzohet minimumi jetik 200 euro i propozuar nga opozita’, Ministria e Financave: Propozimi ishte i paplotë dhe i pastudiuar!
5 Nëntor, 17:19
-
ZYRTARE/ Shtyhet rivlerësimi i pronave, do të bëhet në 2025-ën kur të caktohen çmimet e reja të referencës së pronave në të gjitha bashkitë
5 Nëntor, 13:18
-
Buxheti 8.2 mld € për vitin 2025 prezantohet në komisione, PD mungon! Malaj: Garantojmë investime, rritje ekonomike e ulje borxhi! Alibeaj: Buxhet elektoral, financon PPP jo pensionet
4 Nëntor, 10:30
-
Euro rekord të ri negativ, këmbehet me 98.2 lekë! Buxheti i shtetit ka humbur 120 mln euro këtë vit nga zhvlerësimi i valutave, rrezik edhe për 2025-ën
31 Tetor, 16:06
-
Në 2025-ën do jepen 2 mln euro grant për pushtetin vendor! Bashkitë me përformancën më të mirë do të marrin më shumë para
30 Tetor, 16:45
-
Prezantohet në Kuvend projektbuxheti 2025, nuk ka ndryshim taksash! Malaj: Presim rritje ekonomike 3.9%, ulje të borxhit publik dhe më shumë investime
30 Tetor, 14:49
-
Zhvlerësimi i valutave uli borxhin e huaj! Ministria e Financave: Në fund të shtatorit borxhi publik zbriti në 55.4% të PBB-së
30 Tetor, 11:43
-
Pr/buxheti 2025 do jetë 8.2 mld euro, 600 mln euro më shumë se ky vit! Qeveria ndan vetëm 53 mln euro për indeksimin dhe bonusin e pensionistëve
28 Tetor, 12:07
Ne faqen e Tatimeve eshte ky sqarim: Nëse një Person Fizik ka një xhiro vjetore të biznesit nga 2 deri në 5 milionë Lekë ai është subjekt i TVSH-së, dhe ka detyrime për të deklaruar dhe paguar TVSH;Kontributet e Sigurimeve Shoqërore dhe Shëndetësore; Tatimin mbi të Ardhurat nga Punësimi dhe Tatimin në Burim si dhe ka detyrimin për të deklaruar Tatimin e Thjeshtuar mbi Fitimin. Pra, nga 1 janari, nuk do paguajne vetem tatimin e fitimit 15 apo 23%, por edhete gjitha keto te tjerat. Praktikisht, pritet mbyllja e mijra subjekteve Person Fizik dhe grupimi i tyre ne nje shpk.
PërgjigjuMe nje fjale une qe paguaj 23% te pages dhe ku ne tolal me gjithe sigurime shkon 49% deri 50% te pages time duhe ta mbaj Shtetin?! Keta qe jan me 10 pale shtepi e me vila nga i kane e nga si kane duhet te mos paguajne?! Aty ore si Cecua te paguajne te gjithe! Se nga i gjeten pronat keta kur nuk i del llogaria.
PërgjigjuVitin tjeter per festa te nentorit njerezit do grinden nese shqiptari i fundit per Gjermani iku me 28 apo 29. Gropen e pensioneve e sajuat vete nga keqmenaxhimi. E bete germadhe kete vend aq sa iken te gjithe. Kerkoni taksa pa rikthyer asgje.
PërgjigjuNdaleni, se sdo ngeli njeri me ne lete Shqiperi te shkrete. Pak kan ikur shumica, po do ikin dhe ato profesioniste qe jane ketu.
PërgjigjuDo te largohen nga vendi edhe ata pak specialista qe kame mbetur.
Përgjigju