Receta

Tartë me perime me petë sfoliat nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 27 Nëntor, 12:16 | Përditesimi: 27 Nëntor, 12:17

Tartë me perime

Përbërësit:

1 petë sfoliat
2 karrota
4 kunguj
3 feta proshutë / pançetë
2 qepë të thata
2 vezë
1 tufë majdanoz
2 lgj vaj ulliri
1 lgj gjalpë
250 ml pana
250 gr djathë të grirë
Kripë, piper

Përgatitja:

LEXO EDHE:
Gurabijet 5-lekëshe të nostalgjisë nga zonja Albana

Perimet i grijmë në rende nga pjesa e trashë. I kaurdisim derisa të përthithen mirë lëngjet, më pas shtojmë hudhrën për 3 minuta. Presim hollë pançetën me proshutën dhe gjysmën e majdanozit me djathin e grirë duke ulur nxehtësinë e vatrës. Në një tavë ovale vendosim letër pjekje, shtrojmë petën sfoliat dhe e vendosim në furrë për 10 minuta në 170 gradë Celsius. Më pas e largojmë tavën nga furra, shtojmë masën e mbushjes me perimet. Rrahim vezët me pana duke rregulluar shijen dhe me majdanozin e mbetur. E vendosim në furrë sërish në 200 gradë për 30 minuta.