POP 5

Lajmet më të lexuara të 5 minutave të fundit

Ekonomi

Tatim 15% për pagat e të larguarit padrejtësisht nga puna

Të gjithë personat e larguar nga puna, fitojnë gjyqin kundër punëmarrësit dhe marrin dëmshpërblim, do të paguajnë tatim 15% për shumën që do të marrin. Ky vendim hyn në fuqi në nisje të vitit 2024

Të larguarit në mënyrë të padrejtë nga puna nga institucionet shtetërore apo nga bizneset private, që fitojnë gjyqet dhe që përfitojnë pagën më pas për heqjen nga puna do të paguajnë tatim.

Me ndryshimet e reja që ka pësuar ligji për tatimin mbi të ardhurat është parashikuar edhe ky aspekt që është i qartësuar edhe në udhëzimin e fundit të Ministrisë së Financave që plotëson ligjin e ri.

Pra në rast se një punonjës fiton gjyqin dhe punëdhënësi detyrohet të paguajë për të gjithë muajt deri në përfundim të seancave gjyqësore, mbi pagat do të aplikohet një tatim në masën 15%.

Për ta ilustruar me një shembull nëse një punonjës përfiton kompensim 2 milionë lekë, për largimin e padrejtë atij mbi këtë shumë do t’i mbahet tatimi 15% nga ish-punëdhënësi.

“Nëse një individ është larguar nga puna nga punëdhënësi në datën 1 janar 2024, por për shkak të ndjekjes gjyqësore të çështjes ka një vendim të formës së prerë të datës 31 dhjetor 2029 për pagimin e një dëmshpërblimi nga data e largimit nga puna deri në datën e vendimit të gjykatës, apo për një periudhë disavjeçare apo disamujore, punëdhënësi i llogarit individit tatimin mbi këtë dëmshpërblim në masën 15% mbi çdo pagesë që merret, qoftë në mënyrë të menjëhershme, qoftë me këste”, thuhet në udhëzimin e Ministrisë së Financave.

Nga ky vendim preken dhe punonjësit që shkarkohen padrejtësisht nga administrata, duke qenë se miliona euro paguhen vit pas viti nga buxheti i shtetit për të larguarit nga puna të cilët përfundojnë në gjykatë dhe fitojnë.

Vetëm në vitin e kaluar janë paguar për largimet e padrejta nga puna mbi 1.4 miliardë lekë, ndërsa prej vitit 2015, vlera për këto dëmshpërblime arrijnë deri në mbi 12 miliardë lekë.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46