POP 5

Lajmet më të lexuara të 5 minutave të fundit

Ekonomi

Ndryshe nga biznesi i vogël, nga 1 janari profesionet e lira do tatohen me 15% deri në 23%! Preken 16 mijë profesionistë të lirë

Mbi 16 mijë të vetëpunësuar që ofrojnë shërbime profesionale prej janarit të vitit që vjen do të paguajnë tatimin mbi të ardhurat që fitojnë të ndarë në 2 fasha. 15% tatim do të paguajnë ata që fitojnë deri në 14 milionë lekë dhe 23% për xhiron mbi 14 milionë lekë në vit. Me këto ndryshime ligjore diskriminohen profesionistët e lirë që do paguajnë si biznes i madh, ndërkohë që bizneset e vogla vijojnë me 0 taksa.

Nga janari i vitit 2024, për herë të parë, të vetëpunësuarit që ofrojnë shërbime profesionale, që ishin trajtuar deri më tani si biznes i vogël dhe nuk paguan tatim mbi fitimin, do të taksohen mbi të ardhurat vjetore.

Ligjin që mori vulën e Kuvendit në mars të 2023-shit, Ministria e Financave e ka qartësuar përmes një udhëzimi ku specifikohet se profesionistët e lirë do të taksohen në dy fasha.

Kategoria e profesionistëve të lirë me të ardhura vjetore deri në 14 milionë lekë, do të tatohet 15%, ndërsa profesionistët e lirë me fitime mbi 14 milionë lekë to tatohen 23%.

Ky vendim që penalizon 16.700 profesionistë të lirë (sipas shifrave të Ministrisë së Financave) krijon diskriminim të tyre në raport me biznesin e vogël, që aktualisht për fitimin deri në 14 milion lekë, nuk paguan taksa. Atëherë  përse profesionet e lira për të njëjtën xhiro vjetore, deri në 14 milion lekë, duhet të paguajnë taksë 15%?

Me ligjin e ri, profesionistët e lirë që ofrojnë shërbimin e tyre pranë një ose më shumë kompanive do të paguajnë më shumë se biznesi i madh, i cili për xhiron vjetore mbi 14 milionë lekë, paguan tatim 15% pavarësisht sesa para grumbullon, pa asnjë fashë tjetër.

Ekspertët thonë se nëse tatohen në mënyrë progresive profesionet e lira, krijohen premisa për korrupsion, shkaktohen diferencime dhe diskriminim midis biznesit kundrejt një profesionisti.

Këta persona deri tani, pa hyrë ligji në fuqi, rezultojnë të regjistruar në Qendrën Kombëtare të Biznesit, si person fizik, dhe paguajnë vetëm kontributet e sigurimeve shoqërore.

Ekspertët listojnë disa profesione që do jenë pjesë e skemës, si avokatët, fotografët, arkitektët, kontabilistët, dentistët, farmacistët, dizajner, përmbaruesit, videografët, specialistë IT etj.

Për të marrë një shembull. Një fotograf i punësuar pranë një kompanie ku merr pagë mujore, paguan tatim në sajë të nivelit të rrogës që ka. Por një fotograf i vetëpunësuar që ofron shërbimin e tij për disa kompani, aktualisht nuk paguan tatim për të ardhurat që fiton. Me ndryshimin e ligjit, ai do të konsiderohet si biznes që duhet të paguajë taksa në varësi të fitimeve

Për herë të parë –Ministria e Financave bën pjesë të skemës të re të taksimit, edhe personat që përdorin platformat elektronike si Tik-Tok, Instagram, You Tube, Google dhe që marrin fitime prej tyre. Ata do të tatohen 15%.

E njëjta taksë, 15%, është edhe për personat që japin banesa me shërbimin Airbnb dhe Booking. Pra thënë më thjesht, një qytetar që ka nxjerrë në booking, marrim shembull, një dhomë pushimi, në fund të vitit, do paguajë taksë 15% mbi fitimin vjetor.

(Kliko këtu për të lexuar dokumentin e plotë)

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Luli: 15/11/2023 23:07

    Po nje kabinet mjeksor qe ka dy punonjes dhe qe ka xhiro vjetore me pak se 2 miljon Leke pse duhet te taksohet,apo te mbyllet se keshtu do ikin njerezit jashte shtetit.

    Përgjigju
  • Lita: 23/09/2023 08:43

    Vetem per resortet eshte jeta e thjeshte ne Shqiperi. Te tjeret te vdesin.

    Përgjigju
  • Popi: 22/09/2023 16:02

    Bravo bravo shpetuam. Ta shifni tani do qetheni me 2000leke dhe do mbushni dhembet nga 100. Shyqyr qe u rriten rrogat se ndihmuan shume

    Përgjigju
  • Shtet plehr: 22/09/2023 15:20

    Ca shtet bq qe kemi. Ne vend ti japi dore te rinjve dhe profesioneve te lira, ne vend ti mbeshtesi ata shkon i takson. Apo jemi vend me mireqenie te.larte ne dhe ngeli puna te profesionet e lira. Shtet k.urv

    Përgjigju
    • ana: 23/09/2023 15:06

      ke pa ti ndonje shtet kapitalist pa taksa per bizneset? dukesh qe je i paditur, por edhe arogant. Megjithese ne pergjithesi, padituria apo injoranca zhvillon edhe arogancen.

  • Denti: 22/09/2023 12:14

    Po ça youtube thoni, se në Shqipëri nuk paguhesh nga Youtube, nuk monetizon dot.

    Përgjigju
    • Shoku: 22/09/2023 13:48

      Po hape jasht shtetit o Denti. Edhe TVSH ka kanalin youtube te hapur jashte shtetit shqiptar.

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë

Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë

25 Dhjetor, 19:23