Tatimet bllokojnë asetet e “Gulf”, kompania 500 milionë lekë detyrime

Kompania e karburanteve Gulf Oil e njohur ligjërisht si Sun Petroleum Albania është vënë në sekuestro edhe për llogari të tatimeve.

Jo vetëm qytetarët por edhe drejtoritë rajonale tatimore të vëndit janë mashtruar nga kjo kompani e cila ka shuma të konsiderueshme të papaguara në taksa e tatime.

Në një dokument të siguruar për detyrimet e kësaj kompanie, rezulton se Gulf ka ndaj shtetit një borxh prej afro 500 milionë lekësh, nga të cilat pjesa më e madhe TVSH, por edhe sigurime shoqërore. 

ReportTv është ndalur sot pranë selisë qëndore të Gulf në Laprakë e cila vazhdon ende të jetë e rrethaur me shirit dhe për qytearët nuk ka asnjë përgjigje.

Veprimi i fundit në qendrën kombëtare të regjistrimeve në certifikatën e San Petrolium është një vendim i Gjykatës së Korçës për bllokimin e këtij subjekti për tatime të papaguara.

Kërkesa e Tatimeve drejtuar QKB-së, për sigurimin e e detyrimit tatimor të Gulf

Dëmi ekonomik shkaktuar qytetarëve nga shitja e tollonave fiktive me 40 % më lirë nga tregu rezulton se është në vlerën e afro 5 milion eurove, ndërsa kallëzimet penale kanë përfshirë thuajse të gjitha komisariatet e vëndit nga qytearët e mashtruar.

Gulf rezulton se është krijuar më 10 shtator 2013 dhe fillimisht ndër administratorët e kësaj kompanie ka qenë dhe Ibrahim Aktoz, shtetasi turk i proceduar edhe me parë nga drejtësia shqiptare për mashtrim.

Për këtë mashtrim në kërkim janë shpallur dhe shtetasit shqiptarë mes tyre Alban Aliko si personi që tregtoi në rolin e menaxherit tollonat duke e ditur se kompania ishte drejt mbylljes.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet