As ultimatumi i qeverisë, as thirrjet e vazhdueshme të tatimeve dhe as letrat e dërguara nuk kanë rezultuar efektive përballë bizneseve që nuk deklarojnë pagat reale të punonjësve. Mos deklarimi real i pagave thotë Drejtoria e Përgjithshme e Tatimeve vijon të mbetet fenomen mjaft shqetësues në profesione dhe sektorë të caktuar. Administrata tatimore njofton ka nisur kontrollet për mos deklarimin real të pagave nga kompanitë e sigurimeve, mediat dhe nga institucionet e arsimit privat. Po ashtu,do kontrollohen edhe të gjitha ato biznese që janë evidentuar me risk në analizën e kryer në fund të dhjetorit 2021, kur doli databassa e pagave, por që nuk patën reagim pozitiv.
“Me përfundimin e punës së njësisë anti-informalitet, nga rezultatet e arritura gjatë këtyre muajve, si dhe analizës së thelluar të Drejtorisë së Riskut në Administratën Tatimore, krahas 2 sektorëve të vlerësuar me risk më parë ai i ndërtimit dhe tregtisë, janë evidentuar me risk për nën-deklarimin e pagave edhe 2 kategori të tjera: 1- Sektori i Shoqërive të Sigurimeve, Sektori i Mediave dhe Komunikimit dhe Sektori i Institucioneve të Arsimit privat. 2- Tatimpaguesit e evidentuar me risk në iniciativën e dhjetorit 2021, por që nuk patën reagim pozitiv”, thuhet në njoftimin e tatimeve.
Ky hap tatimeve vjen pas analizës së thelluar të kryer nga Drejtoria e Riskut, ku është evidentuar se këto sektorë paraqesin rrezik të lartë për evazion në paga pas sektorit të ndërtimit dhe tregtisë, pasi shumë punonjës deklarohen me rroga minimale, dhe të tjerë nën deklarohen pavarësisht se paguhen mirë.
“Sipas analizave specifike të kryera nga Administrata Tatimore, bazuar në vetë-deklarimin e tatimpaguesve, rezulton se për një numër të lartë punëmarrësish në shumë sektorë është deklaruar paga minimale. Gjithashtu edhe për një pjesë tjetër të punëmarrësve pagat e deklaruara janë ndjeshëm më të ulëta sesa mesatarja e tregut për këto aktivitete”, thuhet në njoftim.
Kjo fazë e dytë e kontrolleve pas përfundimit të fazës së parë në sektori e ndërtimit dhe tregtisë do të shtrihet në të gjithë vendin. Ndërkohë më herët tatimet kanë informuar tatimpaguesit e vlerësuar me risk të lartë, duke dërguar edhe letra të personalizuara në adresë të tyre, me qëllim ndërgjegjësimin dhe inkurajimin e tyre për deklarimin real të pagave për të formalizuar marrëdhëniet ekonomike mes biznesit dhe punëmarrësve të tyre. Në këtë proces tatimet kërkojnë edhe mbështetjen e qytetarëve për të denoncuar rastet e mos deklarimit real të pagave në mënyrë që rrezikojnë pensionin e tyre në të ardhmen.
Pikërisht për të rritur numrin e denoncimeve nga punonjësit në muajin qershor u hodh për konsultim publik projektligji për ndryshimin e ligjit të procedurave tatimore ku në relacionin e tij thuhej se të gjitha punonjësit që do të denoncojnë pronarët e tyre për shkeljet, do të merren në mbrojtje nga qeveria dhe do të shpërblehen financiarisht. Po ashtu propozohet dyfishim i gjobave për të gjitha bizneset e mëdha, që janë subjekte të TVSH-së dhe të tatimit mbi fitimin, nëse nuk deklaronin pagat reale të punonjësve të tyre.
Ndryshimet e propozuara saktësonin se të gjitha bizneset e mëdha që nuk deklaronin pagat reale të punonjësve do të gjobiteshin me 200% të vlerës së detyrimit dhe të kontributit të papaguar nga 100% që ishte. Ndërsa bizneset e tjera që nuk janë pjesë e TVSH-së dhe Tatimit mbi Fitimit nëse nuk deklarojnë punonjësit, do gjobiten në masën 100% të detyrimit.
Këto ndryshimet ligjore vijnë pas informalitetit të lartë që u zbulua në deklarimin e pagave, pas publikimit të databazave në fund të vitit të kaluar, ku shumë profesione të mirë-paguara deklaroheshin paga minimale. Propozimi vjen si nevojë e situatës reale të mosdeklarimit të punonjësve si dhe fshehjes së pagës reale tek biznesi i madh, pasojat e të cilit reflektohen në mos-mbledhjen e të ardhurave tatimore, thuhej në relacionin e projektligjit.
Të gjitha këto masa vijnë pas skandalit të dhjetorit 2021, ku pas publikimit të databazës së pagave, u zbulua publikisht se me dhjetëra profesione të mirë-paguara, si pedagogë, dekanë, ekonomisë, gazetar e drejtues mediash deklaroheshin me paga minimale ose pagat reale të tyre ishin shumë të larta dhe deklaroheshin më pak. Një nga rastet e denoncuara nga Report TV, kishte të bënte me pedagogët e një universiteti privat që kishin paga 30 mijë lekë, aq sa rojet e punonjësit e krahut.
Komente
Lajme të tjera
-
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Buxheti 2025/ Si do të shpërndahen 8 miliardë euro! Fjala e plotë e ministrit të Financave Petrit Malaj
18 Nëntor, 14:33 -
SHIFRAT/ Fitimi bruto i bizneseve vjet mbi 3.4 mld euro! ‘Trofeun’ e merr turizmi, por bizneset prodhuese më fitimprurëse
9 Nëntor, 18:27
-
‘Refuzohet minimumi jetik 200 euro i propozuar nga opozita’, Ministria e Financave: Propozimi ishte i paplotë dhe i pastudiuar!
5 Nëntor, 17:19
-
ZYRTARE/ Shtyhet rivlerësimi i pronave, do të bëhet në 2025-ën kur të caktohen çmimet e reja të referencës së pronave në të gjitha bashkitë
5 Nëntor, 13:18
-
Buxheti 8.2 mld € për vitin 2025 prezantohet në komisione, PD mungon! Malaj: Garantojmë investime, rritje ekonomike e ulje borxhi! Alibeaj: Buxhet elektoral, financon PPP jo pensionet
4 Nëntor, 10:30
-
Euro rekord të ri negativ, këmbehet me 98.2 lekë! Buxheti i shtetit ka humbur 120 mln euro këtë vit nga zhvlerësimi i valutave, rrezik edhe për 2025-ën
31 Tetor, 16:06
-
Në 2025-ën do jepen 2 mln euro grant për pushtetin vendor! Bashkitë me përformancën më të mirë do të marrin më shumë para
30 Tetor, 16:45
-
Prezantohet në Kuvend projektbuxheti 2025, nuk ka ndryshim taksash! Malaj: Presim rritje ekonomike 3.9%, ulje të borxhit publik dhe më shumë investime
30 Tetor, 14:49
-
Zhvlerësimi i valutave uli borxhin e huaj! Ministria e Financave: Në fund të shtatorit borxhi publik zbriti në 55.4% të PBB-së
30 Tetor, 11:43
-
Pr/buxheti 2025 do jetë 8.2 mld euro, 600 mln euro më shumë se ky vit! Qeveria ndan vetëm 53 mln euro për indeksimin dhe bonusin e pensionistëve
28 Tetor, 12:07
Po keta e kane te qarte misionin. Targeto cdo armik qe flet kunder Rames.
PërgjigjuTatimet te shkojne te Ceno Klosi ne Angli te verifikojne humbjet e biznesit hahah
PërgjigjuPO DATABAZIN E KAN GJITHMON NE DISPOZICION TATIMET , KTO JAN SHOW TE RAMSES DEMEK
PërgjigjuSugjeroj te shkoni te agikons shpk ku te gjithe punonjesit paguhen me evazion fiskal. Mjafton te shihni qe kane makina nderkohe paga e deklaruar eshte 30.000 leke :(
PërgjigjuShume mire e ke theme, shoku!