POP 5

Lajmet më të lexuara të 5 minutave të fundit

Ekonomi

Zbulohet skemë mashtrimi me sigurimet në biznesin fason, Tatimet: Ndryshojnë NIPT-et e emrat për të shmangur detyrimin! Kemi nisur hetimet

Drejtoria e Përgjithshme e Tatimeve zbuloi sot një skemë mashtrimi me sigurimet shoqërore të punonjësve në biznesin fason, mes të cilëve edhe shtetas Italianë

Drejtoria e Përgjithshme e Tatimeve zbuloi sot një skemë mashtrimi me sigurimet shoqërore të punonjësve në biznesin fason, mes të cilëve edhe shtetas Italianë.

Subjekte të ndryshme, që operojnë në sektorin Fason, të lidhura me njëra tjetrën kanë përdorur skemën e hapjes dhe mbylljes së NIPT-ve, kalimin e biznesit nga një emër në një tjetër me qëllim shmangien e pagesës së Sigurimeve Shoqërore për punonjësit e tyre.

“Në subjektet e identifikuara nga Administrata Tatimore janë konstatuar individë me shtetësi shqiptare dhe italiane, që ushtrojnë aktivitete ekonomike në disa qytete të Shqipërisë, të cilët kanë transferuar aktivitetin e tyre nga një emër në një emër tjetër si palë të lidhura, me qëllim shmangien e mundësisë së Administratës Tatimore për mbledhjen e detyrimeve të punonjësve të tyre” thuhet në njoftimin për shtyp të këtij institucioni por pa dhënë saktë shifrën sa janë këto subjekte që kanë shkelur ligjet apo emrat e këtyre subjekteve.

Në zbatim të ligjit nr. 9920 për “Procedurat Tatimore në Republikën e Shqipërisë” ky fenomen është  një nga shkeljet më të rënda që një biznes i bën shtetit dhe punëmarrësit pasi këto biznese jo vetëm kanë shmangur detyrimet fiskale, por gjithashtu me veprimet dhe mosveprimet e tyre nëpërmjet skemave të ngritura kanë dëmtuar edhe punonjësit e tyre, të cilëve për një kohë të caktuar nuk i kanë paguar sigurimet shoqërore dhe shëndetësore, duke i rrezikuar pensionin si dhe mbulimin e shërbimeve shëndetësore.

Për këto raste administrata tatimore ka nisur një hetim që më pas do të pasohet dhe nga kallëzim penal të këtyre shoqërive.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • WC muhabet: 21/06/2023 18:29

    Shteti i lejon dhe bashkëpunon në këto skema mashtrimi pastaj bën sikur nuk dinte gjë e fillon i kap hajdutët.

    Përgjigju
  • Arber: 21/06/2023 10:49

    Sa paradoksale aq edhe deshperuese ,sesi administratat shqipare lejon te mashtrohet.Kalimet e pronesise se aksioneve apo kuotave te kapitalit nga njeri tek tjetri ,krijimi i shoqerive e plot gjera te tjera ,lejohen te behen me nje shkrese private te vertetuar apo autentifikuar nga asnje lloj autoriteti .Dikur kete procedure e ndiqte Gjykata e Tiranes ,duke dale me vendim pasi beheshin aktet noteriale ku vertetesia e aktit dhe identifikimi i subjekteve ishte procedure noteriale .Sot "ne kuader te" lehtesive te berit biznes" keto procedura jane shmangur, dhe natyrisht abuzuesit kane fushe te lire te bejne evazion , fallsifikim e çfare t'u bjere nder mend . Kosto per shoeqrine , taksat e shqiptareve qe duhet te paguajne polici tatimore , polici krimi ekonomik, organe te prokurorise , gjykata qe te paudhet te ndeshkohen . Nderkohe qe fenomeni shume mire mund te parandalohet .Cdo procedure te notifikohet dhe ne rast se ka shkelje Noteri paguan demin. Sa pak mend kemi , apo bejme sikur nuk kuptojme?

    Përgjigju
    • Mario: 21/06/2023 18:11

      A eshte me e thjeshte te konsiderohen edhe keto lloj marredhenjesh pune ne ligjin per njohjen e kontributeve te emigranteve ne Itali dhe pronareve ketej kufirit qe shtyhet pambarim sepse sido qe te behet kjo procedure Nipt i jepet dikujt ne dore apo jo

    • Tata: 21/06/2023 11:26

      Kur punetoret te kuptojne se kontrollohen MIRE BUSTEPAGAT,PRA SI QUHET BIZNESI QE I PAGUAN,aty gjejne edhe nddyshimin e titullarit. Menjehere behet vetekontrollim i kontributeve dhe KETU DEL EDHE PERSEJA E SINDIKATAVE TE NDRYSHME,qe zgjidhet nga vete punetoret per ti mbrojtur ne ndjekje te kontrolleve te ndryshme. Nuk mbron partia,duhet vetmbrojtje ne kapitalizem. Shteti kontrollon me kampione,nuk egziston gjekundi kontrolli tapet,eshte kapitalizem

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57