Receta

Tava e Iftarit me pure patate, mish pule, speca dhe beshamel nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 9 Prill, 11:40 | Përditesimi: 9 Prill, 11:42

Tava e Iftarit me pure patate, mish pule, speca dhe beshamel

Përbërësit:

Për purenë:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

600 gr patate
2 gota qumësht
1 lç kripë

Për mbushjen:

3 gjokse pule
1 spec i kuq
1 spec jeshil
1 qepë
3 lgj vaj luledielli
1 ls kripë
1 lç kerri
Pak piper

Për beshamelin:

3 lgj miell
3 lgj gjalpë
3 gota qumësht
Kripë
Arrë moskat
200 gr djathë pice

Përgatitja:

Ziejmë patatet që i kemi prerë në kubikë në ujë të bollshëm me kripë. Më pas i kalojmë në frulator me pak qumësht. E vendosim masën e puresë në tava individuale. Gjokset e pulës i presim në kubikë të vegjël, i kaurdisim në tigan sikurse edhe specat me qepën. Shtojmë erëzat dhe i lëmë për 10 minuta në zjarr të gatuhen. E kalojmë këtë mbushje në tava sipër puresë. Në një tigan shtojmë gjalpin dhe miellin për të bërë beshamelin. E trazojmë miellin derisa të unifikohet me gjalpin, shtojmë qumësht dhe arrë myshk me kripë. E shtojmë beshamelin sipër gjokseve të pulës me speca. E spërkasim në fund me djathë të butë të grirë dhe i vendosim tavëzat të piqen në furrë të parangrohur.

MC/Shqiptarja.com

TAG: