Receta

Tavë me lakër arme e kimë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 6 Dhjetor 2023, 12:02 | Përditesimi: 6 Dhjetor 2023, 12:04

Tavë me lakër arme e kimë

Përbërësit:

1 kg lakër arme
500 gr mish të grirë
100 gr oriz
2 qepë të mëdha
3 domate të grira
3 lugë salcë domatesh
4 lugë supe vaj misri
4 lugë supe vaj ulliri
1 tufë majdanoz
1 lugë kafeje piper i zi
1 lugë kafeje piper i kuq
Pak trumzë

Përgatitja:

LEXO EDHE:
Kulaç i ngrohtë e i përsosur me djathë nga zonja Albana

Veçojmë nga lakra arme të gjitha gjethet e mira të saj duke i pastruar nga koçanët. Grijmë në kubikë të vegjël qepët dhe i kaurdisim në një tigan me vaj. Skuqim aty edhe mishin e grirë, duke shtuar kripë, domaten e grirë, salcën e domates dhe i trazojmë të gjitha derisa të formohet një kima e shijshme. Grijmë majdanozin dhe shtojmë orizin dhe trumzën, duke e provuar edhe për kripë. Në tavë shtrojmë nga një gjethe lakër arme në gjithë sipërfaqen. Hedhim mbi to kima dhe përsëri shtrojmë gjethe armeje. Veprojmë kështu me 4-5 shtresa e në fund shtrojmë gjethet më të mëdha e të bukura. E presim në katrorë si pastiçe dhe e spërkasim përsipër me piper të kuq dhe vaj ulliri. Hedhim ujë të nxehtë deri afër sipërfaqes dhe e vendosim për ta pjekur në 200 gradë, për 45-50 minuta, derisa ta pijë lëngun.

MC/Shqiptarja.com

TAG: