Receta

Tavë me lulelakër plot shije nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 10 Maj, 11:24 | Përditesimi: 10 Maj, 11:26

Tavë me lulelakër dhe misër

Përbërësit:

1 lulelakër e ndarë në lule
2 lgj vaj luledielli
25 gr miell
350 ml qumësht
320 gr misër
2 lgj majdanoz i grirë
1 lk trumzë e grirë
140 gr djathë i grirë
Kripë, piper

Shtresa e sipërme:

LEXO EDHE:
Pulë me oriz në furrë nga zonja Albana

55 gr miell
25 gr gjalpë
25 gr tërshërë
25 gr bajame të grira

Përgatitja:

Në një enë me ujë të kripur e të vluar ziejmë lulelakrën për 5 minuta, më pas e kullojmë mirë dhe ruajmë ujin e zierjes. Ngrohim vajin në një tigan, shtojmë miellin dhe e skuqim për 1 minutë duke e përzier vazhdimisht. Heqim tiganin nga zjarri dhe shtojmë pak nga pak (150 ml) nga uji i zierjes së lulelakrës. E vendosim sërish tiganin në zjarr dhe gatuajmë salcën duke e përzier për 3 minuta, derisa të fitojë dendësi. E largojmë nga soba dhe shtojmë misrat, majdanozin, trumzën, gjysmën e djathit, kripën dhe piperin. E trazojmë mirë, në fund shtojmë lulelakrën dhe e hedhim masën në një tavë për pjekje. Përgatisim shtresën e sipërme duke përzier në një enë pak miell dhe gjalpë. E punojmë me duar derisa të fitojmë një masë homogjene, shtojmë tërshërën, bajamet dhe pjesën e mbetur të djathit. E vendosim në tavë, e hapim mirë dhe e vendosim të piqet në furrë të ngrohur në 190°C për 30 minuta.

MC/Shqiptarja.com

TAG: