Receta

Tavë me perime me salcë djathi nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 22 Mars, 11:00 | Përditesimi: 22 Mars, 11:01

Tavë me perime me salcë djathi

Përbërësit:

350 gr kunguj
2 lgj vaj ulliri
2 qepë
1 thelpi hudhër
1 lk trumzë
4 domate të mëdha
50 gr djathë i grirë
Gjethe borziloku
Kripë, piper

Për salcën me djathë:

LEXO EDHE:
Gurabijet 5-lekëshe të nostalgjisë nga zonja Albana

20 gr gjalpë
2½ lgj miell
300 ml qumësht
70 gr djathë i grirë
Pak spec i kuq pluhur

Përgatitja:

Ngrohim vajin në një tigan dhe skuqim qepën për 5 minuta duke e përzier. Shtojmë hudhrën e grirë imët, kungujt të prerë në feta, trumzën, borzilokun, kripën dhe piperin dhe e lëmë të gatuhet për 5 minuta. Ndërkohë përgatisim salcën me djathë, shkrijmë gjalpin në një tigan, shtojmë miellin dhe e skuqim për 2 minuta duke e përzier vazhdimisht. Heqim tiganin nga zjarri dhe shtojmë qumështin pak nga pak duke e përzier. E vendosim tiganin në zjarr dhe e lëmë salcën të ziejë për 2 minuta derisa të fitojë dendësi, duke mos e ndërprerë përzierjen. E heqim përsëri tiganin nga zjarri, shtojmë djathin e grirë, kripën dhe specin e kuq pluhur. Shtrojmë gjysmën e masës së përgatitur të perimeve në një tavë, e mbulojmë me copat e domates, shtrojmë gjysmën tjetër të masës dhe në fund hedhim salcën me djathë. E spërkatim me pak djathë të grirë dhe e vendosim tavën të piqet në furrë të parangrohur në temperaturën 180°C për 30 minuta.

MC/Shqiptarja.com

TAG: