Receta

Tavë me petë dhe me fileto pule nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 21 Tetor, 11:43 | Përditesimi: 21 Tetor, 11:45

Tavë me petë dhe me fileto pule

Përbërësit:

5 petë të holla ose 1 petë sfoljat
500 gr fileto pule
500 gr bizele
1 kokërr qepë
2 thelpinj hudhër
3 kokrra vezë
200 gr djathë kaçkavall
1 filxhan çaji qumësht
2 lugë supe gjalpë
1 filxhan kafeje vaj
Kripë, piper i zi
Majdanoz
Bimë aromatike

Përgatitja:

LEXO EDHE:
Speca turli nga zonja Albana

Fillimisht vendosim filetot e pulës të ziejnë, gjithashtu dhe bizelet. Ndërkohë kaurdisim qepën e grirë imët së bashku me hudhrat. Shtrojmë pesë petët njëra përmbi tjetrën në një tavë drejtkëndëshe, duke i spërkatur me gjalpë. Nëse do të gatuajmë me petën sfoljat, atë e kemi nxjerrë nga frigoriferi dhe e shtrojmë në tavën e lyer me pak lyrë. Anët e petës duhet të qëndrojnë në formë kornize në buzët e tavës, që të mos depërtojë gjella në tavë. Kur filetoja e pulës të ketë zier e presim në kubikë të vegjël dhe e përziejmë me bizelet, qepën e kaurdisur, gjalpin, vajin, piperin e zi, majdanozin e kripën. Provojmë për shijen dhe e hedhim në tavë. Rrahim vezët me qumështin dhe e shtojmë në tavë, e spërkasim përsipër me djathin kaçkavall dhe e vendosim në furrë në pjekje në temperaturën 180 gradë Celsius për 30 minuta.