Receta

Tavë preshi me krahë pule nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 16 Maj 2022, 11:20 | Përditesimi: 16 Maj 2022, 11:21

Tavë preshi me krahë pule

Përbërësit:

500 gr presh

LEXO EDHE:
Pulë me oriz në furrë nga zonja Albana

1 qepë e thatë

2 thelpinj hudhër

500 gr krahë pule

2 karrota

400 ml ujë ose buljon pule

2 gjethe dafine

Vaj ulliri

Salcë domate

Uthull rrushi ose limon

Kripë, piper i zi, piper i kuq

Përgatitja:

Kaurdisim mishin e pulës nga të dy anët, më pas e largojmë mishin dhe në po atë yndyrë kaurdisim qepën e grirë imët. Pas 5 minutash shtojmë karrotën të prerë në rrathë dhe preshin në copa të mëdha. Pasi preshi ka filluar të zbutet shtojmë salcën e domates, gjethet e dafinës si dhe krahët e pules. Hedhim ujë ose buljon në masë të përbërësve dhe e lemë gatimin të ziejë për rreth 30 minuta në zjarr të ngadaltë. Rregullojmë shijen me pak uthull (ose lëng limoni) kripë, piper të zi dhe piper të kuq.