POP 5

Lajmet më të lexuara të 5 minutave të fundit

Ekonomi

Të ardhurat në rritje, s'do ketë administrator për bashkitë! Ministria e Financave: Nuk janë në gradë të rëndë financiare

Nuk do të ketë administrator për bashkitë, pavarësisht borxheve që ato kanë. Burime nga Ministria e Financave thotë se përpos konkurrimit që u hap për caktimin e administratorëve që do menaxhojnë financat e bashkive, nga vlerësimet e bëra asnjë njësi vendore nuk konsiderohet me vështirësi të rënda sa ti kalojnë nën administrim shtetit.

Të gjitha bashkitë, do të ecin me këmbët e veta deri në zgjedhjet vendore të vitit 2023, dhe do ti vetë-administrojnë financat e tyre. Administratori i paralajmëruar nga qeveria nuk do të vendoset këtë vit. Burime nga Ministria e Financave thonë për REPORT TV se nga vlerësimet e bëra ka rezultuar se asnjë bashki nuk është në gradë të rëndë financiare sa për t’i marrë administrimin e fondeve.

Por pavarësisht nga kjo, Ministria e Financave ka bërë gati një listë me kandidatët për administrator të financave të bashkive në rast se do të jetë e nevojshme vendosja e tyre në muajit e ardhshëm.

Ndërkohë nga një raport i prezantuar nga qeveria në korrik të këtij viti, rezultonin se ishin 14 bashki me probleme financiare, 10 me vështirësi financiare dhe 2 në vështirësi serioze financiare. Por mesa duket përmirësimi i financiar i bashkive në gjashtëmujorin e parë të vitit, është një tjetër arsye pse po shtyhet sërish caktimi i një e administratori që për rol ka nxjerrjen nga problemet financiare të bashkive.

Sipas një raporti të Ministrisë së Financave në gjashtëmujorin e parë bashkitë kanë mbledhur 16.8 miliardë lekë, vlera më e lartë e dekadës. Ndikimin më të madh në përmirësimin e të ardhurave e kanë pasur ndërtimet e reja dhe taksat e pastrimit. Nga analiza e bërë vihet re se rritja kryesore e të ardhurave vjen nga grupi i taksave lokale e më konkretisht nga taksa e ndikimit në infrastrukturë e cila është rritur me 53% krahasuar me të njëjtën periudhë të vitit 2021.

Ndërsa në këtë periudhë raportohet për rënie të investimeve me 12.3% krahasuar me 2021, ku ashtu si për të ardhurat e qeverisë, edhe në këtë pikë kanë ndikuar çmimet e larta të materialeve të ndërtimit që kanë frenuar edhe ecurinë e investimeve.

Në total nga janari në qershor shpenzimet e pushtetit vendor ishin 24.7 miliard lekë ose rreth 41% të planit vjetor të miratuar, ku peshën më të madhe e zënë shpenzimet e personelit me rreth 49%, më pas shpenzimet operative me rreth 29.7%; shpenzime të tjera për subvencione dhe transferta me rreth 38%, dhe në fund shpenzimet për investime zënë rreth 17.5% të totalit.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

25 Dhjetor, 18:54