TIRANË- Asnjë bashki në vend nuk ka krijuar një burim të ardhurash të pavarur dhe që lidhet me tregun. Kjo ka sjellë një situatë dramatike financiare në një pjesë të 61 organeve të qeverisjes vendore, teksa më keq nga të gjitha Vora dhe Kavaja janë drejt falimentimit. Panorama e rëndë ekonomike u shpalos sot nga Kryeministri Rama, ministrja e Financave Delina Ibrahimaj dhe ministri i Brendshëm Bledi Çuçi gjatë një takimi me 61 kryebashkiakët. Raport i përgatitur nga Ministria e Financave konkludon se 35 bashki janë pa probleme serioze, 14 bashki me probleme, 10 bashki në vështirësi, 2 me probleme serioze. 

Rama ua bëri të qartë kryebashkiakëve se kush nuk ndryshon situatën nuk do të tolerohet. Ai madje i paralajmëroi se Qeveria do t’ua marrë në administrim Bashkinë që nuk arrin të ketë stabilitet financiar. Tre ishin detyrat që Kryeministri i vuri 61 krerëve të bashkive në vend: Disiplinë financiare, burime të reja të ardhura dhe përgjegjshmëri më e lartë për shërbimet, teksa ngriti edhe problemin me prapambetjen e digjitalizimit ndërkohë që Qeveria qendrore është avanguardë në këtë drejtim.

Fjalën në hyrje të aktivitetit e mori ministri i Brendshëm, Bledi Çuçi, i cili foli për reformën e decentralizimit dhe performancës së qeverisjes vendore, duke hedhur akuza mbi disa bashki, që sipas tij, kanë thelluar borxhin. Sipas ministrit të Brendshëm, disa bashki e kanë zeruar borxhin, ndërsa disa të tjera e kanë thelluar dhe janë në prag të falimentimit.

“Për fat të keq disa bashki po e thellojnë borxhin. Kemi edhe modelin e bashkive që në pak vite e kanë zeruar borxhin, por kemi edhe bashki që e kanë thelluar borxhin dhe janë në prag të falimentimit. Këtu nuk ka justifikim se nuk kemi fuqi për të shlyer borxhin, përderisa kemi bashki që e kanë cuar atë në zero, por duhet përgjegjshmëri. Qëllimi në final i kësaj reforme mbeten shërbimet ndaj qytetarëve. Kemi bërë përparim në këto vite, ka arritur që qeverisja vendore të konsolidojë shërbimet, ka modele ku shërbehet shumë mirë ndaj qytetarëve, por mbetet ende shumë punë”, tha ministri Çuçi.

Ministrja e Financave, Delina Ibrahimaj sqaroi se bashkitë me probleme financiare kanë kohë deri më datë 15 korrik për të dorëzuar në ministri një plan të detajuar për përmirësimin e financave. Ky plan do miratohet nga ministria, nga këshilli bashkiak dhe do kushtëzohet në buxhet.

Rendit zhvillimet sipas orarit:
Ora 12:07
Rama me kryebashkiakët: Taksa e pasurisë është më e shpërfillura! Nuk e justifikojmë papërgjegjshmërinë me detyrën

 

Kryeministri Edi Rama u tha kryebashkiakëve se taksa e pasurisë është më e shpërfillura.

“Po kërkojmë disiplinë dhe e fundit që kam është kjo. Nuk është e mundur të justifikohet një sjellje papërgjegjshmëri me detyrën dhe me detyrimet që ka bashkia, duke i mbyllur sytë dhe mos mbledhur detyrimet që kanë njerëzit si konsumatorë të çdo shërbimi. Taksa e pasurisë është më e rëndësishme për bashkitë në të gjithë globin. Taksa e pasurisë në këtë cep të globit ku jemi është më e shpërfillur dhe pastaj natyrisht që nuk ka fonde për gjitha gjërat që ju doni se s’ka si të ketë se nga diku ato fonde dalin. Nuk mund të taksohet njësoj pasuria  enjë familjeje që jeton me të ardhura mestarë me shtëpinë  e dytë e tretë të një familjeje tjetër, Jo vetëm kaq po këto edhe nuk mblidhen pastaj. Disiplinë financiare, burme të reja të ardhurash dhe përgjegjshmëri më e lartë në raport me qytetarët sa i përket shërbimeve. Digjitalizim modernizim deri në fund të të gjithë sistemit të shërbimeve”, tha Rama.

SI.E./Shqiptarja.com

Ora 12:01
Rama-kryebashkiakëve: Problemet me ujin gangrenë, bashkitë po abuzojnë

1655460125_Screenshot1.jpg

Kryeministri Edi Rama u tha kryebashkiakëve se problemet me ujin janë kthyer në gangrenë.

“Për të ardhur te një tjetër gangrenë uji. Pse duhet të vazhdojmë të ballafaqohemi si qeveri me mangësira deri serioze për ujin në kushtet kur bashkitë në një pjesë të konsiderueshme të tyren nuk bëjnë detyrën por bashkëjetojnë me thellimin borxheve me abuzimin me këtë bashki. Kjo pasuri nuk shkon aty ku duhet ët shkojë dhe nuk prodhon asgjë tjetër përveçse borxhe”, tha Rama.

SI.E./Shqiptarja.com

Ora 11:59
‘Ministrat mi lënë mua lajmet e këqija’, Rama: Marrim masa, jua marrim bashkinë në administrim nëse nuk ndryshoni

 

Kryeministri Rama paralajmëroi se do t’i marrë nën administrim bashkitë që nuk ndryshojnë situatën e rëndë financiare në të cilën ndodhen.

“Një gjë që ministrja nuk e tha, mbase donte të ma linte mua. Mua mi lënë lajmet e kqëiaj.  Ne do të marrim masa në rast të mos përmbushjes së detyrimeve në raport me disiplinën financiare. Do t’ua marrim bashkinë në administrim. Sicc ndodh në të gjithë botën. Ne nuk po kërkojmë diçka që nuk bëhet, që kërkon dhimbje të papërballueshme. Po kërkojmë disiplinë. Bashkitë duhet të organizojnë aktivitetin e tyre ekonomik dhe financiar fitimprurës. Është absolutisht i mundur, kërkon vetëm vullnet dhe vizion”, tha Rama.

K.T./Shqiptarja.com

Ora 11:58
Rama: Pse duhet të jetë qeveria kampion në dixhitalizm dhe jo bashkitë! S’ka më kuptim që shërbimet të jepen me letër

 

Kryeministri Edi Rama ka kritikuar kryebashkiakët për shërbimet online. Rama tha se ka ardhur koha që këto shërbime duhet të kthehen online.

“Pastrimi, transporti që janë shërbime jo të lehta për tu organizuar. Në të gjitha këto kemi mundësi të shikojmë që nuk po flasim për gjëra që janë të pabëshme që askush nuk i ka bërë. Përkundrazi pse duhet të jetë qeveri kampin në digjitalizim, pse të mos jenë bashkitë. Në të gjithë botën ndodh e kundërta, sektori privat, pushteti vendor dhe pastaj qeveria qendrore. Këtu qeveria qendrore i ka bërë revolucion me shërbimet. Ka kuptim që shërbimet bashkiake të jepen me letra dhe të mos jenë online. Të jenë të prapambetur ndërkohë që jeni ju të parët që duhet ët jeni personat më interesuar. Pse duhet që qeveria ta ketë nivelin e përgjigjeve ndaj ankesave të qytetarët mbi 90% qeveria, bashkitë ta kenë nën 30% mesataren”, tha Rama.

SI.E./Shqiptarja.com

Ora 11:46
Rama: Bashkitë nuk krijojnë të ardhura, kjo situatë nuk tolerohet më! Nisim fazë shtrëngimi pa tolerancë

 

Kryeministri Rama i ka kritikuar të gjithë krerët e bashkisë për faktin se nuk kanë aktivitet për të rigjeneruar para.

“Ne do të hyjmë në një fazë shtrëngimi pa tolerancë. Kjo është e domosdoshme sepse nuk mundet dot që akumulimi historik i borxheve të bëhet një rrugë e hapur edhe për vitet që kemi përpara. Rritja e performancës së bashkive është një prioritet për ne, të gjithë së bashku. Bashkitë të mendojnë për të shtuar burimet e tyre financiare me të ardhura që burojnë nga tregu. Është e dhëna më dramatike në këto 30 vite që volume I aktiviteteve që lidh bashkitë me krijimin e të ardhurave jo buxhetore është minimal, afër zeros. Është e pamundur që ne ende sot në nivel bashkiak, që nga Tirana, të mos kemi asnjë aktivitet ekonomik të pavarur që prodhon të ardhura. Duke filluar nga ndërtimi. Bashkitë i kanë të gjithë mundësitë që të ndërtojnë dhe të fitojnë para për buxhetin e tyre. Më thoni një kompani bashkiake që ndërton në funksion të strehimit në Shqipëri? Asnjë, nuk ka! Nuk mundet të jetë qeveria përgjigja për çdo kërkesë dhe nevojë”, tha Rama.

K.T./Shqiptarja.com

Ora 11:43
Ministrja e Financave bën ‘bilancin’: 10 bashki me probleme financiare, 2 në prag falimenti! Brenda datës 15 korrik duhet të dorëzoni planin për përmirësim financiar

Ministrja e Financave ka bërë bilancin e bashkive me probleme finnaciare. Ajo tha se 10 prej tyre paraqiten me probleme, 14 në vështirësi, ndërsa 2 janë me probleme serioze. Ibrahimaj tha se bashkitë me probleme financiare deri më datë 15 korrik kanë kohë për të dorëzuar në ministri një plan të detajuar për përmirësimin e financave

"Transferta  e pakushtëzuar ka pasur rritje me 40% këtë vit. Performanca fiskale, nëse do ishim detyrime prapambetura në 2015 ishte 12.1 mld lekë, tanë është 6.5 mln lekë.

Në raport i ndajëmë bashkitë në 5 kategori, pa probleme financiare, me probleme financiare, në vështirësi financiare, probleme serioze dhe bashkitë me paaftësi paguese. Asnjë bashki nuk ndodhet në stadin e fundit. Ky raport lind dhe nxjerr detyrime qoftë për bashkitë dhe ministrinë  e ekonomisë. Secili prej jush duhet që brenda datës 15 korrik një plan të detajuar për masat që do marrë bashkia në kuadër të dalës së vështirësisë financiare. Për seriozet ky plan do miratohet nga ministria dhe do miratohet nga këshilli bashkiak dhe do kushtëzohet në buxhet.

Këlcyrë, Vlorë, Poliçan, Korçë, Tepelenë Kurbin, me 10% performancën e tyre financiare, duke dalë në situatë pa probleme financiare. Vlora dhe Poliçan ,mbeten ne zonën me probleme financiare ndonëse kanë përmirësim. Durrës, Pogradec, Himarë kanë pasur përmirësim me 5-10%. Cërrik në 2020 ka pasur % e detyrimeve të prapambetura 17.52% në 2021 e ka mbi 40%. Belsh 30% në 61%. Malësi e Madhe në 2020 pa probleme ka kaluar në 51.83% te detyrimeve të prapambetura.

Ka bashki ekselente në menaxhimine financave publike Gjirokastër, Patos, Këlcyrë, Shkodër dhe Korçë që kanë nën 1% të detyrimeve të prapambetura. Elbasan dhe Tiranë, ndonëse janë shumë të mëdha  e kanë stokun e detyrimeve të prapambetura nën 5%.", tha Ibrahimaj.

35 bashki pa probleme

14 bashki me probleme  

10 bashki në vështirësi

2 me probleme serioze

SI.E./Shqiptarja.com

Ora 11:40
Çuçi kritikon kryebashkiakët: Disa prej jush na keni futur nëpër borxhe, jeni në prag falimentimi

 

Ministri i Brendshëm Bledi Çuçi në takimin me kryebashkiakët deklaroi se ka realitete të ndryshme nga bashkia në bashki sa i takon menaxhimit. Ai theksoi se ka modele bashkish që kanë arritur ta zerojnë borxhin e trashëguar nga pala tjetër por disa të tjera janë në prag të falimentimit.

Ai kërkoi nga këto të fundit më shumë përgjegjshmëri pasi tha se nuk është mision i pamundur duke pasur parasysh shembullin e atyre që kanë performancë më të mirë.

“Kemi krijuar modele të suksesshme të funksionimit të bashkive. Sot bashkitë mbledhin më shumë të ardhura nga taksat vendore dhe kanë më shumë transferta nga qeveria dhe rritje të transfertës së pakushtëzuar nga buxheti i shtetit.

Transferta është rritur në mënyrë progresive pas miratimit të ligjit të financave vendore. Në vitin 2021 transferta ka shkuar 18 miliardë lekë.

Është rritur me 124% shuma që kanë grumbulluar bashkitë nga të ardhurat e veta krahasuar me vitin 2015.

Por decentralizimi është një proces me dy kahe. Kërkohet ndërgjegjësim dhe përgjegjëshmëri në rritje. Këtu realitetet janë krejtësisht të ndryshme.

Sot kam kënaqësinë të shpreh vullnetin e qeverisë për të vazhduar reformën e decentralizimit. Por ky nuk është qëllim por mënyrë partneriteti që ka për qëllim final shërbime më të mira ndaj qytetarëve.

Kemi realitete të ndryshme nga bashkia në bashki.

Mund të marr rastin e borxheve që kanë trashëguar dhe për fat të keq disa bashki vazhdojnë dhe e thellojnë. Kemi modele bashkish që kanë arritur ta zerojnë borxhin dhe kemi bashki që janë në prag të falimentimit”, u shpreh ministri.

SI.E./Shqiptarja.com