Gjykata e Apelit e Malit të Zi e ka shfuqizuar vendimin, me të cilin 13 persona të akuzuar për përpjekje për terrorizëm, në ditën e zgjedhjeve ditën e zgjedhjeve parlamentare në vitin 2016, ishin dënuar me gati 70 vjet burg.
Gjykata e Apelit e Malit të Zi e ka shfuqizuar vendimin, me të cilin 13 persona të akuzuar për përpjekje për terrorizëm, në ditën e zgjedhjeve ditën e zgjedhjeve parlamentare në vitin 2016, ishin dënuar me gati 70 vjet burg.
Gjykata e Apelit pranoi ankesat e avokatëve mbrojtës të të dënuarve në shkallën e parë me aktgjykimin e Gjykatës së Lartë në Podgoricë, i cili u shqiptua më 9 maj të vitit 2019. Procedimet u rikthyen në Gjykatën e Lartë, por siç thuhet në vendim, ato u rikthyen “përpara një dhome gjyqi të ndryshuar plotësisht”.
Në mesin e tyre janë edhe shtetasit rus Eduar Shishmakov dhe Vlladimir Popov, të cilët u akuzuan se kanë bërë vepër penale të terrorizmit në tentim dhe ishin dënuar në shkallën e parë me 15 dhe 12 vjet burg.
Lideri i Frontit Demokratik (DF), Millan Knezheviq dhe Andrija Mandiq, ishin të dënuar me nga 5 vjet burg nën akuzën për krijimin e organizatës kriminale.
Aktgjykimi është shfuqizuar edhe për shtetasit serbë të akuzuar: gjenerali i pensionuar i xhandarmërisë së Serbisë, Bratisllav Dikiq, i cili u dënua me 8 vjet burgim, si dhe për akuzuarit: Predrag Bogiqeviq, Nemjanja Ristiq, Kristina Hristiq, Branka Milliq, Millan Dushica, Dragan Maksiq, Sërbolub Gjorgjeviq dhe artistin e Frontit Demokratik, Mihail Çagjenoviq.
Gjykata e Apelit urdhëroi që Bratisllav Dikiqit t’i hiqet paraburgimi dhe ai të lirohet menjëherë. Të tjerët të dënuar nga Gjykata e Lartë u liruan më herët ose ishin të paarritshëm për gjyqësorin e Malit të Zi.
"Paneli e ka shfuqizuar aktgjykimin e shkallës së parë , sepse në procedurën e sjelljes së tij, si dhe në vet aktgjykimin, ishin bërë shkelje të konsiderueshme të dispozitave të procedurës penale, për shkak të së cilave as konkluzionet faktike dhe as ato juridike, nuk mund të pranoheshin në vendimin e shkallës së parë, si në raport me ekzistimin e veprave penale për të cilat të akuzuarit u shpallën fajtor e poashtu as në raport me ekzistimin e fajësisë së tyre për ato vepra”, thuhet në komunikatën e Gjykatës së Apelit të Malit të Zi, të datës 5 shkurt.
Tentimi për të bërë “grusht shteti” në Mal të Zi ka ndodhur në ditën e zgjedhjeve parlamentare, në nëntor të vitit 2016, kur shërbimet malazeze të sigurisë arrestuan disa dhjetëra shtetas të Serbisë, të cilët dyshoheshin për përpjekje për të kryer aksione terroriste, në mënyrë që të përmbysnin qeverinë me një ndërhyrje të dhunshme në Parlamentin e Malit të Zi dhe për kapjen ose likuidimin e kryeministrit të atëhershëm, Millo Gjukanoviq.
Sipas aktakuzës së Prokurorisë Speciale, të përfaqësuar nga Kryeprokurori special, Millivoje Katniq, qëllimi i të akuzuarve ishte që të parandalonin Malin e Zi që t’i bashkohej aleancës së NATO-s , si dhe një ndryshim të dhunshëm të qeverisë në Malin e Zi.
Shtetasit rusë, Eduard Shishmakov dhe Vladimir Popov, u cilësuan në aktakuzë si organizatorë dhe financues të përpjekjes për terrorizëm dhe përmbysje të dhunshme të qeverisë në Malin e Zi. Ata ishin të paarritshëm për gjyqësorin e Malit të Zi, ndërkaq në deklaratat me shkrim ata hodhën poshtë pretendimet në aktakuzë.
Në shkurt të vitit 2017, ministri i Jashtëm rus Sergei Lavrov hodhi poshtë akuzat se Moska qëndronte pas përpjekjes së dështuar të grushti shtetit, që kishte për qëllim vrasjen e kryeministrit të atëhershëm të Malit të Zi dhe rrëzimin e qeverisë pro-perëndimore, duke thënë se për këto pretendime “nuk ka prova”.
Gjatë procesit gjyqësor, askush nga të pandehurit nuk e pranuan krimin, për të cilin u akuzuan dhe nuk pranuan se njihnin të pandehurit e tjerë.
Që nga shpallja e vendimit të Gjykatës së Lartë në maj 2019, në Mal të Zi ka ndodhur ndryshimi i pushtetit, në zgjedhjet parlamentare të mbajtura më 30 gusht të vitit 2020. Një pushtet erdhi koalicion trepalësh i udhëhequr nga Fronti Demokratik, liderët e të cilit ishin në mesin e të dënuarve në çështjen “grusht shteti”. /REL
Lajme të tjera
-
Historia e pazakontë në Itali/ U kap me 11 kg kokainë, Gjykata e Breshias liron shqiptarin! Shkak mospërkthimi i akuzës, por...
14 Nëntor, 14:34 -
Ballkani hyn më shpejt në BE?/ Von der Leyen: Përfiton prej tensioneve gjeopolitike
31 Tetor, 17:15 -
SHBA sanksionon firmat serbe dhe malazeze për shkak të mbështetjes të luftës së Rusisë
31 Tetor, 15:50 -
Progres-raporti i BE, Ulsi Manja me homologun malazez: Nisim takime në nivel teknik për kapitullin 23
30 Tetor, 09:39 -
Tronditet Mali i Zi/ Vëlla e motër gjenden të vrarë, autori i armatosur ende në arrati! Policia thirrje banorëve të mbyllen në shtëpi
26 Tetor, 09:32 -
Censi në Malin e Zi/ Shqiptarët deklarohen më pak se 5%, janë 30 mijë shtetas me origjinë shqiptare! Shtohen serbët! 2 % janë rusë
15 Tetor, 15:48
-
Abetarja e unifikuar për shqiptarët e Malit të Zi, presidenti Begaj: Gjuha është rrënja e kombit! Të jemi bashkë pavarësisht ideologjive politike
8 Tetor, 09:29 -
Kapen rreth 95 kilogramë marijuanë në Tuz të Malit të Zi, erdhi nga Shqipëria, arrestohet shqiptari
30 Shtator, 17:01 -
Gjukanoviçi merr shumicën e votave në Podgoricë, mbetet i paqartë formimi i pushtetit vendor në kryeqytetin e Malit të Zi
30 Shtator, 13:22 -
Operacioni 'Liqeni i Bacungut'/ Fshehu kushëririn e tij Marklen Haka, Gjykata e Tiranës lë në burg 21-vjeçarin Klajdi Haka! Zgjedh të heshtë, 2 akuza
9 Shtator, 13:17 -
Eduard Zaloshnja: Policia, prokuroritë e gjykatat duhet të jenë në sintoni të plotë kundër krimit!
21 Gusht, 10:28
-
Augustin Palokaj: Mali i Zi mes BE-së dhe botës serbe
5 Gusht, 17:51
