Tasqebap nga Zonja Vjollca

Tasqebap

500 gr mish viçi ose dashi

3-4 qepë

1 lugë miell

1/2 gotë vere

1 lugë salcë

2-3 domate në rende

Pak spec i kuq

3 thelpinj hudhra

1-2 gjethe dafine

Kripë dhe piper i zi

Vaj ulliri

Përgatitja

Fillimisht lajmë mishin e thajmë dhe e presim në kubikë të vegjël. Qepët i presim hollë në kubikë ose në feta të holla.

Vendosim në tenxhere vajin dhe sapo ai të ngrohet fillimisht vendosim mishin dhe e kaurdisim sa të përthithë lëngun e tij. Më pas shtojmë qepët dhe hudhrat dhe vazhdojmë kaurdisjen së bashku derisa mishi dhe qepa të marrin pak ngjyrë të verdhë të theksuar. E pudrosim me pak miell dhe e përziejmë pak duke e shuar me verë. Shtojmë më pas salcën dhe domatet e grira në rende dhe një gjethe dafine. Vendosim kapakun dhe e lemë gatimin të ziejë 10 minuta në temperaturë mesatare. E rregullojmë me kripë dhe piper të zi, shtojmë pak ujë të ngrohtë sa të mbulohet mishi dhe e lemë përsëri të ziejë në temperature mesatare derisa piruni të ngulet lehtë në mish.

 

D.M./Shqiptarja.com

TAG:
• fergese
• rrezedielli
• tasqebap
• zonjavjollca