Receta

Të gatuajmë me zonjën Vjollca: Tortë e mbushur me mollë të karamelizuar dhe Qofte perimesh me salcë të bardhë

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Redaksia 23 Shtator 2019, 11:49 | Përditesimi: 23 Shtator 2019, 12:48

Receta e parë: Tortë e mbushur me mollë të karamelizuar

Përbërësit:

LEXO EDHE:
Tavë me lakër arme dhe kimë nga zonja Albana

4 kokrra vezë

150g. sheqer

100ml. vaj bimor

250g. miell

1lç pluhur pjekës

Pak qumësht

Mbushja

4-5 mollë

1lgj Lëng limoni

100g. sheqer

3lgj rrush i thatë

1/2 lç kanellë

Përgatitja:

-Në një gotë tas rrahim vezët së bashku me sheqerin plus shtojmë vajin, e përzjejmë pluhurin pjekës dhe pak qumësht deri sa brumi të rrëshkasë nga luga.

-Lyejmë një tavë me pak gjalpë ose vaj bimor dhe nivelojmë 3/4 e brumit e vendosim në furrë në temp. 170°C për 10 minuta. (Ndërkohë përgatisim mbushjen)

-Në një tigan vendosim 100g. sheqer plus 2-3lgj ujë, karamelizojmë sheqerin dhe shtojmë në të mollët e grira plus limonin në rende plus rrushin e thatë, i trazojmë për 5 minuta plus kanellë dhe i largojmë.

-Nxjerrim tavën nga furra pas 10 minutash nivelojmë mbushjen dhe e mbulojmë atë me brumin e mbetur.

-Nëse mbushja rezulton e lëngshme mund të spërkatni në 3-4 lgj biskota të thërmuara, më pas shtoni brumin e mbetur.

-Vendosim tepsinë në furrë në temp. 170-180°C për 25-30 minuta.

-Pasi torta të jetë pjekur e lemë të ftohet dhe e pudrosim me sheqer pluhur.

Receta e dytë: Qofte perimesh me salcë të bardhë

Përbërësit:

500g. patate

200g. kunguj të njomë

250g. karrotë

1 qepë e vogël

2 vezë

2 2/2 lgj miell

50g. kaçkavall i butë (në rende)

Kripë plus piper i zi

Vaj për skuqje

Salca

250g. gjizë

4-6 lgj qumësht

1-2 thelpi hudhër

Kopër plus qepë të njomë (bishtet)

Përgatitja:

-Përgatisim salcën në fillim duke rrahur gjizën me qumështin. Lahen dhe grihen hollë kopër dhe bishtat e qepëve dhe përzjehen bashkë plus 1 thelpi hudhër. Rregullojmë shijen me kripë plus piper nëse dëshironi dhe spec djegës.

-Të gjitha perimet i grijmë në rende nga pjesa më e trashë e rendes ndërsa qepën e grijmë në pjesën më të hollë.

-Vendosim në një tas dhe i pudrosim me miell plus vezë plus kripë plus piper plus djathë i përzjejmë të gjitha së bashku dhe formojmë qoftet.

-Ngrohim vajin dhe i skuqim gati për 5 minuta deri sa të marrin ngjyrë të artë.

-I shërbejmë me salcën e përgatitur.