Zbardhen përgjimet/ I kërkonte të ndërhynte në një dosje për legalizimin, punonjësja-ish kreut të Kadastrës së Beratit: Aman se nuk ma mban (EKSKLUZIVE)

TIRANË- Report Tv ka zbardhur një pjesë të përgjimeve që Ervin Nelaj, ish- kreu i Kadastrës së Beratit, ka bërë me një nga punonjëset e këtij institucioni. Biseda, siç shihet nw dokumentin e siguruar nga gazetari Arsen Rusta, mban datën 27 gusht 2020, ku nga sa dyshohet bëhet fjalë për një ndërhyrje që Nelaj i kërkon punonjëses të bëjë në një dosje, por kjo e fundit shprehet se ka frikë. Madje në një moment përmenden shifra të ndryshme, që për grupin e hetuesve mendohet bëhet fjalë për para të marra.

Ervini: Hajde
Punonjësja: Të kujt? Aman se ‘sma mban më se...
Ervini: 60,65,70,75
Punonjësja: Të kujt? Të voglin ca e ka ai, Dallaverin. Kujt të vogël mo
Ervini: Po ai që thoshe ti që është afër...
Punonjësja: D.... Pa dalë se D... s’është bërë akoma
Ervini: Po ca e ke këtë aman?
Punonjësja: Akoma dhe D...është shkëmb! Jo L..., prit njëherë
Ervini: Ca t’i bësh D....
Punonjësja: Se El... tha unë e kam parë te noterja, nuk është ashtu fare
Ervini: Mirë na mbajti ti këto se mos i prish unë
Punonjësja: Ti prish unë
Ervini: Unë i prish
Punonjësja: Lëri një cik tek sirtari se vij i marrë unë më vonë ndoshta
Ervini: Këtu te sirtari janë, te sirtari i parë janë
Punonjësja: E se vij unë tani për disa sekonda me ndonjë dosje
Ervini: Dosje, na mo, dosjen ku i ke çu

Nelaj u la ditën e djeshme në burg nga Gjykata Kundër Korrupsionit dhe Krimit të Organizuar (GJKKO), në një seancë e cila është ndërprerë për shkak se i akuzuari nuk është ndjerë mirë nga ana shëndetësore. Ai ka marrë ndihmën e duhur nga bluzat e bardha dhe më pas është njohur më masën e sigurisë ‘Arrest me burg’. Ai u arrestua  3 ditë me parë nga policia e Beratit, me urdhër të prokurorisë së Posaçme. Burime zyrtare bënë me dije se Nelaj, i cili kishte vetëm 7 muaj në këtë detyrë, ka përvetësuar shuma parash nga persona të ndryshëm, me qëllim pajisjen e tyre me dokumentet e lejes së legalizimit. Nelaj prej 8 vitesh ishte specialist dhe inspektor i ‘Aluiznit’. Operacioni për kapjen e tij është nga Drejtoria Vendore e Policisë Berat dhe SPAK-u, teksa vijon puna për dokumentimin ligjor të plotë të kësaj veprimtarie kriminale dhe për identifikimin e personave të tjerë të përfshirë në këtë veprimtari korruptive.

Ish- kreu i Kadastrës së Beratit, Ervin Nelaj

B.K./b.ha./Shqiptarja.com

TAG:
• Berat
• spak
• pergjime
• kadastra
• Ervin Nelaj