Të mërkurën do të luhen pjesa më e madhe e ndeshjeve për javën e dytë të Superligës me Partizanin që do të udhëtojë në Gjirokastër për ndeshjen me Luftëtarin, ku nuk synohet asnjë rezultat tjetër përveç fitores pas disfatës në nisje me Kukësin. Në prag të takimit trajneri Franco Lerda është shprehur:
“E dimë që na pret një ndeshje e vështirë përballë Luftëtarit. Kemi 20 vite që nuk fitojmë në Gjirokastër dhe shpresojmë ta thyejmë këtë tabu negative dhe të marrim tre pikët. Ndaj Kukësit dëshironin ta nisnim me fitore pasi ishte ndeshja e parë e kampionatit, por tani I përket së kaluarës pasi duhet të mendojmë për sfidën e radhës, e cila është delikate.”
Ndërkohë në Vlorë Flamurtari i njëmijë e një problemeve do të synojë një rezultat pozitiv ndaj Kukësit pas humbjes në nisje ndaj Skënderbeut. Trajneri Dritan Sededini ka deklaruar:
“Nuk është nevoja ta them unë, por ndeshja ka vështirësitë e veta. Ne do përpiqemi ti bëjmë ballë çdo ekipi, të mos harrojmë që jemi Flamurtari i Vlorës. Kemi emrin tonë. Shpresojmë që ndeshja të përfundojë në favorin tonë.”
Në Ballsh Bylisi do të presë Vllazninë e cila e nisi me fitore përballë Laçit. Trajneri i shkodranëve në prag të sfidës fillimisht ka përgëzuar futbollistët e tij, ndërsa më pas është shprehur:
“E kam parë Bylisin, kemi marrë informacion dhe kemi bërë analizë për ta. Është skuadër e mirë. Luajnë me të njëjtin sistem, kanë një trajner të mirë. Besoj se lojtarët e mi do japin maksimumin. Bylisi ka një mesfushë të mirë, si edhe lojtarë të mirë në sulm.”
Ndeshja tjetër e javës së dytë është ajo mes Laçit dhe Skënderbeut që do të luhet në stadiumin e Laçit.
Lajme të tjera
-
Vllaznia pret Teutën, Thomas Brdaric: Durrsakët me përgatitjen më të mirë fizike në kampionat, kemi mungesa
22 Nëntor, 13:44 -
Kalendari/ Kryesuesit luajnë në shtëpi, spikat AF Elbasani - Tirana! Superliga rikthehet në dy ditë
21 Nëntor, 09:41 -
Kupa e Shqipërisë/ Surprizë në Vlorë, Besa eliminon Flamurtarin! Tetë skuadrat që kalojnë më tej, në 1/8 spikat Tirana - Bylis (Çiftet)
20 Nëntor, 15:53 -
FSHF kthen Tiranën në 'Air Albania' për derbin me Partizanin, kalendari i Superligës deri në fund të vitit
15 Nëntor, 11:07 -
Krisje te Egnatia, sulmuesi e mbyll pas tre muajsh dhe firmos në Itali
13 Nëntor, 13:31 -
Superliga/ Magani debuton me fitore, Tirana 'poker' Bylisit! Laçi 1-1 AF Elbasani, verdheblutë gjashtë ndeshje pa sukses
10 Nëntor, 18:56 -
Renditja/ Flamurtari ndalet në Burrel, Besa fiton 2-1 kundër Valbonës! Vlonjatët në krye të Kategorisë së Parë
10 Nëntor, 16:10 -
Gugash Magani kërkon të nxjerrë Tiranën nga kriza, trajneri: Me Bylisin si derbi, të 'vrasim' frikën
9 Nëntor, 22:14 -
Superliga/ Partizani fiton 1-2 derbin dhe merr kreun, Vllaznia 'ngec' me kampionët! Teuta dhe Skënderbeu barazim me gola
9 Nëntor, 19:10 -
Derbi i kryeqytetit në 'Elbasan Arena', spikat edhe Egnatia - Vllaznia! Kalendari i raundit të 13-të në Superligë
7 Nëntor, 13:21 -
Në katër qytete të ndryshme, Tirana gjen shtëpi për ndeshjen e Superligës larg kryeqytetit
7 Nëntor, 12:54 -
Zyrtare/ Shkarkuan Shkëmbin, Tirana emëron në stol Gugash Maganin! Rikthim te bardheblutë pas 9 vitesh
6 Nëntor, 08:37
