POP 5

Lajmet më të lexuara të 5 minutave të fundit

Sport

'Të mos i ndalim fitoret', zv/kapiteni i Partizanit: Ka disa arsye për rikthimin e atmosferës pozitive

Te Partizani optimizmi për një gjysmë të dytë kampionati tejet pozitiv është rritur shumë. Zëvendës kapiteni i ekipit Egzon Belica thotë se ka disa arsye për të besuar në këtë aspekt, ndërsa shton se kundër Kastriotit është një ndeshje delikate për të kuqtë.

Fitorja kundër Egnatias këtë fundjavë ka sjellë energji pozitive te Partizani, që gjysmën e parë të kampionatit haste shumë vështirësi me rezultatet.

“Atmosferën pozitive patjetër që e bëjnë fitoret. Po mbajtëm këtë ritëm, po morëm fitore në ndeshjet e radhës çdo aspekt tjetër do rregullohet,”-deklaroi Egzon Belica, futbollist i Partizanit.

Po kush janë arsyet e atmosferës pozitive te Partizani?

“Kanë ndodhur edhe pak ndryshime në ekipin tonë me disa lojtarë të rinj, me ardhjen e profesor Dritanit. Ai ka qenë këtu, ka qenë ndihmës trajner kur ne jemi shpallur kampion kështu që me stafin dhe disa lojtarë njihet më së miri,”-u shpreh Egzon Belica, futbollist i Partizanit

Ndeshja e rradhës për demat në Superligë është të shtunën kundër Kastriotit, me krutanët që së fundmi bënë suprizën duke mundur Teutën kampione.

“Të gjitha ndeshjet duhet luftuar. Ashtu do jetë edhe kundër Kastriotit sepse nëse nuk fitojmë atëherë nuk na vlejnë as tre pikët kundër Egnatias,”-tha Egzon Belica, futbollist i Partizanit.

Pas 16 javësh kampionat Partizani renditet në vendin e pestë me 21 pikë, 13 më pak se Tirana kryesuese.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Edhe 5 ditë afat për mbi 73 mijë persona që të dorëzojnë DIVA-n! Tatimet për Report TV: Vjet ishin mbi 49 mijë individë në më shumë se 1 punë

Edhe 5 ditë afat për mbi 73 mijë persona që të dorëzojnë DIVA-n! Tatimet për Report TV: Vjet ishin mbi 49 mijë individë në më shumë se 1 punë

25 Prill, 15:55 nga Eliza Gjediku