Ka patur shumë të tillë, por në dekadat e fundit spikatin çifti Meta. Në kohën kur Iliri u bë faktor politik, në Shqipëri kish ndodhur e po ndodhnin ndryshime thelbësore në sistemin politik, në atë ekonomik dhe shoqëror. Te kjo e fundit, madje piramida e vlerave ishte përmbysur kokëposhtë. Djaloshi, që rasti e solli të ndodhej në takimin që Ramiz Alia pati me të rinjtë e Universitetit të Tiranës, pas pak kohe u vu në krye të organizatës rinore të Partisë Socialiste. Shkollën në ato vite “e kish marrë lumi” dhe dipllomimi i Ilirit student dhe atij brezi, nuk gaboj po të përmend se përgjithësisht ishte formal, rrjedhë e arsimimit në kohë kaosi. Ilirit nuk kish pse i kërkohej të shquhej për inteligjencë të spikatur, kur i afroheshin poste, por mjaftonte vrulli rinor, të cilin e kish me tepri.
Mbi Partinë Socialiste atëbotë rëndonte pesha e përherëshme e akuzës se ishin trashëgimtarë të Partisë së Punës. I ngrati Fatos Nano ishte orvatur përmes elokuencës që zotëronte t’i shpjegonte rrethit politik shqiptar se “Vetëm budallai dhe i vdekuri nuk ndryshojnë mendim!”, por pa bindur dot Partinë Demokratike, që vetë, pas shfaqjes të “karrige thyerve” mocionistë, ishte në proces shndërrimi grupi klanor.
Në pakujdesinë e përpëlitjeve e gjetën zgjidhjen për të shkarkuar akuzën përmes sjelljes në udhëheqjen e Partisë Socialiste dhe organeve të larta të shtetit (kur fituan zgjedhjet) të rinisë socialiste. Fillimisht Pandeli Majkon e më pas Ilir Metën. Kjo ishte vlera e vetme, qenja në drejtim të organizatës rinore, pse ky individ i pa përmbushur në çdo aspekt, pa përvojë jete, pa përvojë pune, pa asnjë eksperiencë jetësore, pa njohje të kulurës së drejtimit, u ngjit në majat e pushtetit.
Populli shqiptar kish të drejtë të ndjehej i fyer pse ndodhte kështu? Por nuk u ndje, në kushtet kur shteti i dështuar, gremina ku Sali Berisha e hodhi, duhej të ringrihej. Faktikisht u ndje i fyer veçse pak kohë më pas, kur Ilirit ju dha pushtet që buronte nga marrëveshja që i afroi Edi Rama. Ishte kryetari i Partisë Socialiste që i dha postin e presidentit. Shumëkush me mendjen në kokë e cilësoi këtë marrëveshje të turpshme, por pas tre ditësh e deri në largimin nga kjo detyrë, akti i paprecedentë i besimit që ju dha “Kancerit politik të Shqipërisë”, ngeli thjesht i trajtuar si aksident. Dhe Edi Rama ja pa mirë sherrin Ilir Metës e postit të tij të presidentit!
Lidershipit, cilësim që automatikisht i vishet kryeministrit, i nevojiten disa aftësi. para së gjithash idetë (nëse ke) dhe mënyrë komunikimi që mundësisht të jetë tërheqëse dhe bindëse, çka Meta nuk e zotëroi kurrë. Provoi t’i përvetësoj këto cilësi kur u nda nga e majta socialiste dhe krijoi “të majtën” Lëvizje Socialiste për Integrim. Aftësitë dhe personalitetin për ta patur partinë një pikë referimi e mbështeti te një parrullë që e kish përdorur Partia Naziste Gjermane (dyshoj se nuk e dinte) në fillim të vitet ’30, “Partia që të punëson”. Si shef partie, këtë parrullë e vendosi në bazë e themel të stilit dhe qasjes së tij,
Në fokus të praktikimit “të punësimit” u vendosën dhe marrëdhënjet e koalicionit me Berishën, pasi partia e tij kish fituar tre deputetë. E solli Berishën përsëri në pushtet pasi i mori me marrëveshje 20 përqind të administratës, dmth rreth 20 mijë vende pune që do merrnin emërim përmes Ilirit dhe Monikës. Te 20 përqindëshi llokmat e LSI-së ishin ato ku lëvizte paraja dhe nga kjo para, arka LSI do dëndej parreshtur prej sasive të vjedhura nga pasuria publike. “Kanceri i Shqipërisë” e quajti një ekonomist i shquar shqiptar partinë e tij. “Ndihma për LSI” (kupto: portofolin e familjes) ishte çfarë i kërkohej të emëruarit prej tyre.
Për të dyshuarit e grupimit që ai e quante parti, nuk ja përtonte të përdorte, siç rëndom shfaqet te ordinerët, gjuhën e trupit, dhjamin e tepërt e muskujt. E përdori me ish zëvendësin e tij Rama, të cilin e flaku tej, pasi e përdori sa deshi për interesat e tij. Këtë po bën prej ditësh me disa të tjerë zëvendësa, të cilët, njëri pas tjetrit, po i heq nga Partia e Lirisë.
“Partia e Lirisë”…pëfff, sa qesharake! Po ç’ liri mbron t’i, o ditëzi? Ke patur emrin Lëvizje Socialiste për Integrim, ja ndryshove emrin në Partia e Lirisë, por të gjithë e dinë se sa qesharakë jeni kur e quani veten parti, kur gruaja zëvendëson burrin; kur nuk vonon të vijë prapë burri në krye, e pas ca kohe, ta përjashtojë edhe atë nga partia…për “Nepotizëm”? Sa qesharakë që janë, o Zot na ruaj!
Gjuhës së trupit, atij të fortit të lagjes, me demonstrime gjimnastikore hekuri, ka ditë që i ka shtuar edhe gjuhën e rrugaçërisë, të cilën e përdor “pa kandar” ndaj organeve të Prokurorisë Speciale, SPAK-ut dhe drejtuesit të saj, z. Dumani. Askush nuk dyshon se është gjuhë e njeriut të trembur!
I trëmbet akuzës së aferës CEZ-DIA (e jo vetëm) ai që nuk ka ndërgjegjen e pastër. Një ndërgjegje të pastër nuk ka akuzë që ta trembi. I frikësuar e me krenari të përdhosur, Meta nuk po është më në gjendje të kontrollojë veteveten. Çdo fyerje e tij ndaj Dumanit përbën vepër penale, gjë të cilën mbase ai e bën qëllimisht, në mënyrë që nesër, i ndodhur para akuzave, të mbrohet, duke cilësuar veprimet si hakmarrje!
“Ndiq paranë” prokurori! Mjafton kaq të bësh dhe i ke kapur këta delenxhinj, që politika foshnjore shqiptare na i ngarkoi t’i mbajmë në kurriz vite e vite të tëra.
Lajme të tjera
-
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Kushërira e Kryemadhit shkon në gjykatë për të mbrojtur të birin, Ardian Kona: Është ‘viktimë’ ka firmosur pa dijeni për 13 mijë metra katrorë tokë në Gjirin e Lalzit
22 Nëntor, 13:13
-
Privatizuan 13 mijë metra katrorë tokë shtet tek Gjiri i Lalzit, 'arrest me burg' ish-kreut të Kadastrës së Durrësit! Ardian Kona i afërm i Monika Kryemadhit
22 Nëntor, 11:35 -
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
-
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56 -
Apeli i GJKKO-së s'e nxorri nga burgu, i sekuestruan vilat, Meta udhëzon nga qelia Partinë e Lirisë: Nisni protesta periodike kundër SPAK
20 Nëntor, 17:44 -
Privatizuan 13 mijë metra katrorë tokë shtet tek Gjiri i Lalzit, me letra false, arrestohet ish-kreu i Kadastrës së Durrësit! Ardian Kona, i afërm i Kryemadhit! U zbulua nga përgjimet (EMRAT)
20 Nëntor, 16:38 -
GJKKO sekuestron 2 vilat e Monika Kryemadhit dhe të ëmës tek rezidenca VIP e 'Kodrës së Diellit' në Tiranë! Pjesë e hetimit për lobimin në SHBA e dosjen CEZ-DIA
20 Nëntor, 15:10 -
Afera CEZ- DIA e lobimi në SHBA, Apeli i GJKKO-së lë në burg Ilir Metën, s'ndryshon masën as për Kryemadhin! Monika: SPAK, 34 fashikuj me falsifikime, heq dorë nga politika! Me Ilirin s'ka më kthim pas
19 Nëntor, 16:34 -
Zbardhet mbrojtja e Ilir Metës përpara Gjykatës së Posaçme të Apelit: Kërkoj lirinë, shumica e pronave dhe e llogarive bankare të Monikës! S’mbaj përgjegjësi për shpenzimet e ish-gruas e ish-vjehrrës
19 Nëntor, 12:42 -
Dosjet 'e nxehta'/ Adriatik Doçi: Meta është vizatuar si koka e korrupsionit, Kryemadhi merimanga! Përdorën biznesmenë si bankomat
18 Nëntor, 19:56
