Të përndjekurit jashtë listave të PD
akuza Bashës: S'mbajti premtimin

Të përndjekurit jashtë listave të PD<br />akuza Bashës: S'mbajti premtimin
Kur kanë mbetur pak orë nga dorëzimi i listës së kandidatëve të PD në Komisionin Qendror të zgjedhjeve, për zgjedhjet e 25 qershorit, Shoqata Antikomuniste e të Përndjekurve Politikë, akuzon Lulzim Bashën se shkeli marrëveshjen me të përndjekurit.
 
Kryetari i kësaj shoqate, Nebil Çika, u shpreh për Report Tv se premtimi i kryedemokratit ka qenë për përfshirjen në nivelin 10% të kandidatëve nga të përndjekurit në listat e PD, ose 14 deputetë në Kuvendin e ardhshëm.
 
“Pas një marrëveshje publike të premtuar nga Basha në çadër, ka pasur edhe një kërkesë nga ana ime publike. Basha ka premtuar publikisht 10%, domethënë 14 deputetë në zona sigurie”
, u shpreh ai.

Çika: Basha po rrezikon 500 mijë vota në zgjedhje
Çika thotë se Shoqata e të Përndjekurve do mbajë qëndrim, duke i bërë të ditur PD-së se po rrezikon 500 mijë vota në zgjedhje.
 
"E vetmja rrugë që kjo shtresë të votojë në mënyrë masive për PD është që ne të kemi këtë përfaqësim.

Nëse kjo nuk ndodh unë nuk e kam kurajën dhe as obligimin që t’ju bëjë thirrje njerëzve  që rë votojnë për PD. Ne kemi një plan B, do të mbledhim struktura përcaktuar pozicionin tonë të ri, sikur 500 mijë nga ato të jenë të përndjekur politikë, imagjino...nëse Basha nuk i do këto vota, e ka vetë në dorë”
, tha për Report Tv Nebil Çika.
 
Ndërkohë, Çika mohon çdo mbështetje në drejtim të Aleancës Popullore për Drejtësi të Bilal Kolës, i cili sipas tij nuk përfaqëson të përndjekurit, por është i punësuar i qeverisë dhe kryeministrit Rama.
 
Partia Demokratike pritet të dorëzojë në KQZ në orët e vona të kësaj të premte, listën zyrtare të kandidatëve për deputetë, ku janë përfshirë edhe disa kryetarë të partive aleate të demokratëve.

Redaksia Online
(B.K/Shqiptarja.com) 

  • Sondazhi i ditës:

    EURO 2024/ Fillojnë ndeshjet e fundit, a mendoni se Shqipëria kalon grupin?



×

Lajmi i fundit

Kombëtarja mbyll Europianin 2024/ Flasin protagonistët! Broja: Do kisha dashur të isha titullar me Spanjën! Gjimshiti: Na duhej pak fat

Kombëtarja mbyll Europianin 2024/ Flasin protagonistët! Broja: Do kisha dashur të isha titullar me Spanjën! Gjimshiti: Na duhej pak fat