Kandidat për kryebashkiak pa diplomë, të rinjtë: Qytetarët e Tiranës duan shpjegime nga Këlliçi! Pse çdo të riu i duhet gjimnaz për në universitet e atij jo?

Një grup të rinjsh, anëtarë të Këshillit Bashkiak të Tiranës, kanë kërkuar sot sqarim një herë e mirë nga Belind Këlliçi, kandidat për kryebashkik të Tiranës.

Në një deklaratë para Institutit “Harry Fultz”, pas lajmeve se kandidati i çiftit Berisha-Meta, Belind Këlliçi, nuk ka një diplomë të shkollës së mesme, këshilltarët socialistë deklaruan se Këlliçi iu detyrohet qytetarëve të Tiranës që t’i përgjigjet pyetjes: A ka një diplomë të shkollës së mesme nga “Harry Fultz”?

“Ky është gjimnazi Harry Fultz, të cilin kandidati Këlliçi thotë se ka përfunduar. Mediat kanë nxjerrë një seri dokumentesh, ku tregohet se kandidati Këlliçi nuk e ka një diplome të kësaj shkolle. Këlliçi ka folur për këtë çështje, por s’ka adresuar asnjëherë thelbin e saj. Mediat nuk kanë ngritur pikëpyetje nëse Këlliçi ka qenë nxënës i mirë, apo i dobët, as nuk kanë ngritur shqetësim nëse u pranua në universitet për aftësi akademike apo aftësi tenisi? Pyetja që ne drejtojmë është fare e thjeshtë: A ka zoti Këlliçi një diplomë të shkollës së mesme nga Harry Fultz? Për djemtë dhe vajzat e qytetit, për të aplikuar për arsimin e lartë si kriter bazë kërkohet diploma e shkollës së mesme, atëherë pse për një kandidat për kryetar bashkie s'vlen e njëjta gjë? Qytetarët e Tiranës duan dhe kanë të drejtë të dinë, a ka zoti Këlliçi një diplomë gjimnazi apo jo?”, kanë thënë të rinjtë në deklaratën e tyre.

LEXO EDHE:
Sauk/ Shpërthen bombula e gazit në një banesë, plagosen gjyshja, djali dhe nipi (EMRAT)

Kujtojmë se Belind Këlliçi, në një intervistë televizive ka pranuar dje se nuk ka një diplomë të shkollës së mesme. Por për të mbrojtur këtë mungesë, ka lançuar një gënjeshtër akoma më të madhe:

 “Nuk arrij ta kuptoj se çfarë ka këtu kaq të pakuptueshme. Nuk ka patur moj diplomë, s’ka patur. Ka patur vetëm dëftesë pjekurie'' është shprehur Këlliçi, kur u pyet se a janë të vërteta faktet që kanë dalë në media.

Por e pyetur nga Shqiptarja.com  Brikena Baxhaku, drejtoresha e Institutit 'Harry Fultz' ku Belind Këlliçi ka mbaruar vetëm 4 vitet nga 5 që parashikonte cikli shkollor, ka vërtetuar se ai nuk ka marrë kurrë dëftesë pjekurie.

Në një investigim të publikuar në Shqiptarja.com, faktohej se Belind Këlliçi ka arritur ta regjistrohet ne universitetin “Coppin University” në Maryland, SHBA pa mbaruar shkollën e mesme, dhe më pas  ka mashtruar shtetin shqiptar duke bërë njësimin të diplomës edhe nëse në kërkesën e paraqitur ne 2010 te Ministria e Arsimit, ka deklaruar që kishte një diplome te shkollës së mesme.

Rendit zhvillimet sipas orarit:

Të Fundit Të Parat

K.T./G.MO/Shqiptarja.com

TAG:
• kellici pa diplome
• PS
• belind këlliçi
• bashkia tirane
• Tirane
• zgjedhjet vendore 2023