POP 5

Lajmet më të lexuara të 5 minutave të fundit

Kultura

Të rinjtë të dashuruar me të shkruarin, ja kush i fitoi çmimet

Prej katër vitesh ka nisur një nga aktivitetet më ambicioze dhe unike për të rinjtë shqiptarë, konkursi mujor “Pena e re”. Është konkursi i vetëm, ku prioritet janë të rinjtë e lidhur e dashuruar me të shkruarin.
Të rinjtë të dashuruar me të shkruarin, ja kush i fitoi çmimet

Të rinjë fitues në konkursin mujor “Pena e re”

“Cili jam unë të ndikoj dhe influencoj te lexuesi me idetë dhe krijimet e mia?!”, thotë në një nga intervistat e tij Anton Çehov. Dualizëm të cilin çdo krijues duhet ta bëjë para se të nis shkrimtarin e tij. Kjo është dhe një nga këshillat qe aktori Shundi ua ka sjellë në vëmendje krijuesve të rinj. 

Prej katër vitesh ka nisur një nga aktivitetet më ambicioze dhe unike për të rinjtë shqiptarë, konkursi mujor “Pena e re”. Është konkursi i vetëm, ku prioritet janë të rinjtë e lidhur e dashuruar me të shkruarin. Çdo muaj është një përballje moshatarësh e krijuesish. Në aktivitet lexohen dhe ballafaqohen vetë konkurrentët  me krijimet e tyre.

Ata ndjejnë se si priten krijimet e tyre nga moshatarët, shohin se si është krijimi i shokut, ambientohen me të qenit dominues i situatës e momentit të tyre. Kjo i përfshin në magjinë e krijimit dhe i shtyn më tej për të vazhduar në rrugën letrare. Por nuk mbaron me kaq. Në fund të muajit 23 Prill u organizua eventi më i rëndësishëm i Penës “penëtarët e vitit“; çmimi  më i madh u shkon tre kategorive, poezi, prozë dhe ese, ku krijimet fituese bashkohen në një antologji.

Aktiviteti final dhe më i rëndësishëm i klubit, bëri bashkë shumë miq të penës, kritikë, pedagogë, artistë dhe të rinj të përfshirë në magjinë e shkrimit. Mimoza Ahmeti, Agim Baçi, Rudina Cupi, dr. Erenestina Halili, aktori dhe regjisori Naun Shundi. “Erdh’ koha të dehemi me letërsi!” Ndoshta, kështu do të kishte thënë Bodler, nëse do të ishte i ftuar nderi në mbrëmjen e organizuar nga klubi letrar “Pena e Re”, më 23 prill 2018, në Ditën Botërore të Librit, kujton Lediana Braho, vajza karikuese e grupit.

Psikologjia dhe shkrimi janë dy rrymat shkarkuese paralele të sajat. Ngjarja më e rëndësishme letrare e Penës finalizoi një vit të frytshëm krijimtarie, pune dhe përkushtimi të klubit letrar. Për rreth dy orë, te “Reja” pranë Galerisë Kombëtare të Arteve, në Tiranë, u zhvillua Mbrëmja e Çmimeve “Pena e Re 2017”. Shpallja e shumë çmimeve vijon edhe çmimin e madh “Pena e Re 2017”. Antologjia “Frymë në vargje”, ku janë 67 krijime me 60 autorë të rinj të moshave 16- 26 vjeç. Janë 35 krijime fituese në konkurset e përmuajshme të Penës, nga janari në dhjetor 2017 dhe 35 të tjerat, të përzgjedhura si krijimet më të mira nga juria. Një përmbledhje motivuese dhe nxitëse për ta.

Edhe stafi i emisionit radiofonik “Scriptum n Sonus” ishte në këtë festë libri pasi promovimi i disa nga krijuesit e Penës së re ka qenë bashkëpunimi më sistematik: Altin Sulaj, autor emisioni, Xhoana Sulaj, regjisore dhe Elsa Hajdari, interpretuese. Ivana Hoxha është e reja e fundit në stafin e klubit letrar. Por ajo, vajza 20 vjecare që e krijojë (sot 24) Flogerta Krypi, është virtualisht në aktivitet, pasi emigrimi mundëson largesa të dhimbshme. Çmimi i parë në Ese u dha nga kritiku Agim Baçi për Adrian Zallën, me krijimin “A mund të jesh Lysien në këtë vend?” Çmimi i parë në Poezi u dha nga poetja Mimoza Ahmeti për Edona Haklaj, me poezinë “Zotni, m’thuej”. Çmimi i parë në Prozë u dha nga stafi i emisionit “Scriptum n Sonus” për Eraldo Breshanin, fitues me dy proza “Treni” dhe “Llustra e këpucëve të grisura” gjatë vitit 2017.

Çmimin “Pena e Re 2017”: Franc Bregu dhe Renaldo Salianji. Renaldo Salianjin, fitues katër herë gjatë vitit paraardhës, me dy poezi “Të mjerët na për vedin” dhe “Pa titull”, si dhe dy proza “Militanti” dhe “O çuna, o çuna! Erdhi akullorja!”. Ky event gëzoi 4 krijues me cmime, por ikurajoi 70 te tjerë për të vazhduar, si dhe u hapi alternativat një numëri shumë-shifrorë të rinjsh që e duan letërsinë dhe te shkruarin në veçanti. "A janë çmimet motivuese apo jo?!“ kjo është çështja. E sigurt është se si për ata që vlerësohen, si për ata me pak të tille….  sfida dhe ballafaqime të tilla sjellin emra në qiellin e madh të krijuesve të rinj. Dhe ja tek jemi  ne kohë të shohim dhe shijojmë ylberet pas këtij shiu krijues.

Janë të rinj të talentuar dhe mosha është ndihmëse  në këto çmenduri krijuese; janë në kohën e duhur.“ Rudina Çupi ofron redaktimin si dhe predispozitën për të korrektuar materialet e paraqitura, ndërsa të rinjtë kanë shpirtin e lirë për në fletët e shkruara.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46