Një person u vra dhe dy të tjerë mbetën të plagosur pas të shtënave me armë zjarri në Old Dominion University në Norfolk, në shtetin amerikan të Virxhinias.

Sulmi ndodhi rreth orës 10:49 të mëngjesit brenda Constant Hall, një nga godinat akademike të kampusit. Sipas autoriteteve, një person hapi zjarr brenda ndërtesës, duke plagosur dy persona, ndërsa një tjetër viktimë humbi jetën.

Dy të plagosurit u dërguan në spital dhe sipas zyrtarëve janë në gjendje të qëndrueshme. Autori i sulmit gjithashtu mbeti i vdekur, ndërsa policia nuk ka dhënë ende detaje se si ndodhi.

Ekipet e ndihmës së shpejtë në vendngjarje

Universiteti aktivizoi menjëherë alarmin për “sulmues aktiv”, duke u kërkuar studentëve dhe stafit të strehoheshin nëpër ndërtesa. Më pas u njoftua se rreziku kishte përfunduar.

Të gjitha mësimet dhe aktivitetet në kampus u pezulluan për pjesën tjetër të ditës dhe edhe për të premten, ndërsa policia e Norfolkut ka marrë drejtimin e hetimeve për ngjarjen.