TIRANË- Të veshur bukur, të qeshur dorë për dore me prindërit, fëmijët e vegjël janë rikthyer pas rreth 3 muajsh pushim të diktuar nga pandemia, në kopsht dhe çerdhe! Nën rregulla të forta sigurie, të cilat reflektohen që në hyrje të godinave, ky 1 qershor që përkon edhe me festën e fëmijëve, i gjen nën shoqërinë e bashkëmoshatarëve për ta festuar, edhe pse jo si më parë. Report Tv është zhvendosur me gazetaren Doris Sallaku në çerdhen nr. 1 në Tiranë për të ndjekur nga afër rikthimin e fëmijëve dhe zbatimin e masave të COVID-19.
Në sinjalistikën e vendosur në oborr, prindërit me fëmijët në krah ose për dorë ruajnë distancën prej minimumi 1.5 metra. Më pas, në derën kryesore është vendosur një vaskë e vogël, ku fëmijët dezinfektojnë këmbët në hyrje, e ndërsa prindërit plotësojnë një formularë lidhur me historikun e familjes së tyre gjatë këtyre 3 muaj pandemie, nëse kanë pasur ndonjë simptomë, të afërm apo vetë personalisht të infektuar nga COVID-19.
Formulari që plotësohet nga prindërit
Fëmijët i nënshtrohen gjithashtu edhe matjes së temperaturës me termometrin digjital. Ajo që vihet re, dhe duket se do të jetë një panoramë që do të na shoqërojnë për një kohë të gjatë, është se gjyshërit nuk janë "partnerët" më të mirë të fëmijëve në këto ditë. Kjo si një masë mbrojtëse për gjyshërit, të cilët janë më të rrezikuar nga ky virus. Fëmijët shoqërohen vetëm nga njëri prind, mami ose babai për të shmangur grumbullimet e mëdha.
Edukatorja është veshur me përgjegjësi shtesë, pasi në këto kohë ka për detyrim jo vetëm edukimin e tyre, por edhe monitorimin për zbatimin e masave të marra ndaj COVID-19, nga fëmijët e vegjël, të cilët jo të gjithë e kuptojnë se çfarë po ndodh.
Të njëjtat rregulla janë edhe për të gjitha kopshtet dhe çerdhet në të gjitha qytetet e Shqipërisë, të cilat kanë hapur dyert për të mirëpritur vogëlushët.
BERAT-1 Qershori,festa e fëmijëve ka shënuar edhe rihapjen e kopshteve e çerdheve në të gjithë vendin. 43 kopshte dhe çerdhe në rrethin e Beratit kanë hapur sot herët në mëngjes dyert për të pritur fëmijët. Edhe pse për të parën herë fëmijët nuk i gëzohen dot festës së tyre,1 Qershorit për shkak të pandemisë Covid-19,këtë mëngjes zërat e tyre kanë gumëzhuar brenda ambienteve të kopshteve e çerdheve, që kanë qenë të boshatisura për rreth 3-muaj për shkak të situatës pandemike.
Fëmijëve u wshtë matur temperatura në hyrjen e këtyre institucioneve,u janë dezinfektuar duart,ndërkohë që edukatoret kanë pyetur çdo prind nëse në familjen e tyre apo në njerëzit e afërt kanë pasur të prekur me Covid-19. Bashkia e Beratit ka konfirmuar se janë përmbushur të gjitha masat që kërkon protokolli i sigurisë,janë dezinfektuar të gjitha ambientet e brendshme dhe të jashtme të kopshteve e çerdheve si dhe janë pajisur të gjitha këto institucione me termometra termikë,dezinfektantë etj.
SHKODËR-Kopshtet dhe çerdhet kanë hapur dyert më 1 Qershor, por në Shkodër një gjë e tille ka ndodhur vetëm në kopshtet private. Një nga kopshti privat ka zgjedhur një mënyrë ndryshe për të pritur fëmijët këtë të hënë, me aheng Shkodra e fëmijët me dajre.
Nga ana tjetër, Kryetarja e Bashkisë, Voltana Ademi ka uruar sot fëmijët me nëpërmjet një videoje të përcjellë në rrjetet sociale.
Bashkia Shkodër do të hapë kopshtet dhe çerdhet në datën 5 Qershor. Kjo shtyrje ka ardhur për shkak të procedurave të prokurimeve publike për pajisjen e kopshteve dhe çerdheve me termometra ultrared dhe pajisjeve të tjera të përcaktuara nga udhëzimi I Ministrisë së Shëndetësisë për kushtet e sigurisë.
FIER- Edhe në Fier fëmijët i janë rikthyer çerdheve dhe kopshteve. Të shoqëruar nga prindërit ata janë ulur në grupet e tyre të caktuar më parë krahas masave të marra për zbatimin e protokollit ne kushtet e pandemisë. Për të parë nga afër masat e marra nga kopshtet dhe çerdhet ne kemi bërë një vëzhgim në disa prej tyre. Nën rregulla të forta sigurie, duke filluar që në hyrje të kopshtit ka tabela dhe informacione për masat që janë marrë dhe duhet të marrin prindërit para se të hyjnë me fëmijët në institucion.
Në çerdhen nr 3 dhe kopshtin nr. 5 dhe 6 kishte zbukurime shumëngjyrëshe të vëna me këtë rast në të gjitha ambientet ku duhet të qëndronin fëmijët. Por ajo që bie në sy është pjesëmarrja e fëmijëve, e cila ka qene e paktë në numër sipas grupeve. Frika e Covid -19 i ka stepur prindërit për t'i sjellë. Drejtoresha e kopshtit nr. 5 shprehet se kushtet janë shumë të forta dhe zbatohen sipas protokollit dhe prindërit të mos frikësohen pasi gjithçka është bërë sipas udhëzimeve të portokollit të lëshuara nga institucionet përkatëse.
KORCË- Kopshtet dhe çerdhet janë hapur në qytetin e Korçës nënë masa sigurie prej përhapjes së koronavirusit në vend dhe në të gjithë botën. Edukatoret i kanë pritur tek porta e shkollës fëmijët me matësin e temperaturës dhe me dezinfektantin për të parandaluar përhapjen e COVID-it. bazuar tek pamjet e marra nga korespondetja, disa prej fëmijëve e kanë pritur të çuditur këtë mënyrë sjelljeje dhe janë përshtatur me vështirësi.Disa prej prindërve nuk janë futur fare në ambientet e brendshme të kopshtit, por kanë komunikuar jashtë me edukatoret.
KUKËS- Kopshtet dhe çerdhet janë zbukuruar me ngjyra e tollumbace dhe janë gjallëruar ditën e sotme nga zërat e fëmijëve, pas rreth 3 muajsh mungesë. Ky rikthim ka qenë me rregulla shtesë për shkak të përhapjes së COVID-it, që të vegjlit të jenë më të sigurt. Përpara se të vegjlit të hyjnë në mjedisin e brendshëm të kopshtit, i është matur temperatura dhe i janë dezinfektuar duart me solucion. Gjhithashtu edhe edukatoret janë të pajisura me maska dhe doreza për sigurinë e tyre dhe të fëmijëve.
Kryetari i Bashkisë Erion Veliaj ka uruar të gjithë fëmijët e kryeqytetit me rastin e 1 qershorit.
“Fëmijë të dashur, engjëj të vegjël që na lumturoni pafund me energjinë dhe çiltërsinë tuaj, GËZUAR 1 Qershorin”, shkruan Veliaj. Ditën e sotme, më 1 Qershor të gjithë fëmijët janë rikthyer në kopshte dhe çerdhe me rregulla ndryshe, që nuk kanë ndodhur më parë, pas një periudhe të vështirë prej përhapjes së pandemisë së COVID-19.
ELBASAN- Edhe Elbasani ka mirëpritur fëmijët në kopshte e çerdhe ditën e sotme, pas rreth 3 muajsh mbylljeje prej përhapjes së pandemisë së COVID-it. Në kopshtin Nr.12 është respektuar kontrolli i temperaturës së fëmijëve dhe dezinfektimi i duarve para se të hyjnë brenda. Edhe edukatorja është e pajisur me maskë e doreza për të mos rrezikuar përhapjen e koronavirusit.
Këto rregulla kanë sjellë edhe frikë nga fëmijët, ku një prej vogëlusheve nuk pranonte që edukatorja t'i maste temperaturën. Njëri prej prindërve është shprehur se nuk ka frikë."Nuk kemi frikë se i kemi respektuar të gjitha edhe në shtëpi edhe këtu edhe kopshti ka qenë shumë të kujdesshëm, kur kanë pasur grip i kemi marrë në shtëpi fëmijët", është shprehur një prind.
LUSHNJE- 71 kopshte dhe dy çerdhe në Lushnje kanë hapur dyert për fëmijët ditën e sotme. Këtë mëngjes zërat e vogëlushëve kanë mbushur ambientet e kopshteve dhe çerdheve pas rreth tre muaj ndërprerje. Është bërë i gjithë kontrolli nga ekspertët për dezinfektimin e mjediseve dhe masave të tjera shtesë. Prindërit shprehen se janë të informuar për masat e marra dhe gjithçka do të shkojë mirë por ka të tjerë që thonë se janë të detyruar t'i çojnë në kopësht pasi janë në punë.Për herë të parë vogëlushët nuk do të festojnë 1 qershorit për shkak të Covid-19.
Bazuar tek pamjet e marra në disa prej kopshteve, në krahasim me kryeqetetin ku kishte një enë që fëmijët dezinfektonin këmbët dhe u matej temperatura që në hyrje, kjo nuk ka ndodhur në Lushnje. Fëmijët bashkë me prindërit kanë hyrë pa u dezinfektuar në fillim të mjedisit të kopështit, kurse edukatoret kanë qenë të pajisura me maska dhe doreza.
Lajme të tjera
-
Qershori çel regjistrimet për kopshte e çerdhe, dokumentet që ju duhen dhe DATAT
31 Maj, 14:01
-
Tiranë/ Policia kallëzon në prokurori edukatoren 24-vjeçare e kopshtit privat, nëna e akuzon se i dhunoi djalin 3 vjeç
22 Maj, 14:24 -
Krujë/ Dyshohet se u rrëzua në kopsht, 4 vjeçarja dërgohet në spital me dorë të dëmtuar
16 Nëntor 2023, 19:09 -
Kontrolli i policisë/ 45 kopshte të palicencuara në mbarë vendin, 37 prej tyre në Tiranë! Rastet referohen në Prokurori
14 Nëntor 2023, 14:45
-
Dhunimi i 3 vjeçares/ Task Forcë monitoron kopshtet jopublike në mbarë vendin, 8 rezultojnë pa licencë, 2 kopshteve u është refuzuar
13 Nëntor 2023, 11:51
-
Tiranë/ Dy fëmijë, 4 dhe 2 vjeç dëmtohen në çerdhe dhe kopsht! Policia nis hetimet
11 Nëntor 2023, 13:17 -
'Moj sharabajgë, pse ta kemi qefin ty?'/ Dalin pamjet kur 3-vjeçarja thyen këmbën në kopshtin në Tiranë, momenti kur edukatorja e qëllon me shpullë (Video)
8 Nëntor 2023, 21:30 -
Skandali në Fushë Kosovë, gjykata cakton nga një muaj paraburgim për dy nga 3 edukatoret që dhunuan 3-vjeçarin! Familjarët: S’flet, ka shenja dhune në kokë e qafë
20 Shtator 2023, 12:41 -
Burrel/ 2-vjeçari u ndje keq në çerdhe, babai në 'Pa Gjurmë': E gjeta të vdekur në spital! Djali s'kishte vrimë në zemër, edukatorja tha se u zgjua me të vjella
13 Shtator 2023, 17:47 -
E rëndë në Burrel, fëmija 2 vjeç humb ndjenjat në çerdhe! Vdes në spital
11 Shtator 2023, 12:59 -
Tirana s’ka mjaftueshëm çerdhe dhe kopshte publike! Nënkryetarja e PL: Do të kërkojmë transparencë mbi fondet për arsimin
15 Qershor 2023, 13:56 -
Hapen aplikimet për regjistrimin e fëmijëve në çerdhet e Bashkisë së Tiranës, ja afati dhe dokumentacioni që duhet dorëzuar
18 Maj 2023, 08:24
