POP 5

Lajmet më të lexuara të 5 minutave të fundit

Ekonomi

Të vetëpunësuarit në Shqipëri janë të ‘privilegjuar’ nga taksat, Banka Botërore: Të tatohen progresivisht si punonjësit e tjerë

Banka Botërore kërkon që edhe të vetëpunësuarit në Shqipëri të paguajnë tatim progresiv. Në raportin e fundit thuhet se të vetëpunësuarit si jurisë, dentistë, apo në teknologji informacioni janë të përjashtuar nga taksat e punës e për pasojë përfitojnë sepse regjistrohen si biznese.

Banka Botërore në raportin e fundit për Shqipërinë, thekson se duhet zgjeruar taksa progresive mbi punën, në mënyrë që ata që kanë paga të larta të paguajnë më tepër para.

Sipas raportit të vetë-punësuarit, regjistrohen si biznes dhe në këtë rast përfitojnë pasi bizneset me xhiro deri në 14 milionë lekë nuk paguajnë tatim, duke përjashtuar nga ky detyrim profesionistë me paga të larta.

“Punëtorët e vetëpunësuar operojnë kryesisht në shërbime profesionale, duke përfshirë si kontabilistë, arkitektë, konsulentë biznesi, programues kompjuterësh, dentistë, inxhinierë, profesionistë mjekësorë, apo avokatët. Nga 8000 personat fizikë të vetëpunësuar në Shqipëri, më shumë se 60 për qind janë juristë, dentistë dhe teknologji informacioni”, thuhet në raportin e Bankës Botërore.

Sipas raportit në rast se do të tatohen në mënyrë progresive edhe të vetëpunësuarit, do të arkëtoheshin rreth 1 miliardë lekë të ardhura në vit.

Po ashtu Banka Botërore sugjeron të ndryshojë tatimi progresiv për pagat që aplikohet aktualisht. 18% propozohet që të bëhet tatimi me të ardhura 80 mijë lekë në muaj, ndërsa për ata që marrin 220 mijë lekë në muaj të tatohen me 30%. Nga këto dy lëvizje në vit sipas bankës do të fitoheshin 2.6 miliardë lekë.

Aktualisht Shqipëria aplikon 3 pragje tatimi, 0% ata që marrin deri në 30 mijë lekë, 13% ata që marrin mbi 30-150 mijë lekë dhe 23% ata që paguhen mbi 150 mijë lekë në muaj. Kjo skemë ndryshon në muajin korrik, kur vendosen pragjet e reja,  sipas të cilave, deri në 40 mijë lekë nuk do të ketë tatim, për paga 30-50 mijë lekë tatimi do të jetë 6.5%, për ata që marrin 50-200 mijë lekë 13% dhe ata që marrin mbi 200 mijë lekë do të paguajnë tatim sa 23% e pagës.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Teknolog Informacioni: 16/02/2022 18:48

    Jepini forca, qe te ikim dhe ne qe kemi ngelur

    Përgjigju
  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Debati në ‘Studio Live’, Elezi: I turpshëm sulmi Berisha-Meta ndaj Drejtësisë! Basha: Puna e SPAK me pikëpyetje! Bala: Deklaratat e Metës absurde, i dha mesazh dhe Kryemadhit!

Debati në ‘Studio Live’, Elezi: I turpshëm sulmi Berisha-Meta ndaj Drejtësisë! Basha: Puna e SPAK me pikëpyetje! Bala: Deklaratat e Metës absurde, i dha mesazh dhe Kryemadhit!

7 Janar, 18:12