POP 5

Lajmet më të lexuara të 5 minutave të fundit

Kultura

Teatri i ri, Bujar Kapexhiu i përgjigjet Veliajt: Në Itali po pëlqehet shumë arkitektura fashiste

Artisti Bujar Kapexhiu i është përgjigjur nga studio e “Rreze Dielli” në Report TV komenteve të kryetarit të Bashkisë së Tiranës, Erjon Veliaj, mbi propozimin e tij për Teatrin e Ri Kombëtar.

Artisti Bujar Kapexhiu i është përgjigjur nga studio e “Rreze Dielli” në Report TV komenteve të kryetarit të Bashkisë së Tiranës, Erjon Veliaj, mbi propozimin e tij për Teatrin e Ri Kombëtar. Duke folur dje në mbrëmje në emisionin “Real Story” në Vizion Plus, Veliaj e cilësoi propozimin e regjisorit Kapexhiu “Arkitekturë fashiste”duke thënë se Teatri i ri Kombëtar nuk meriton të ketë të tillë arkitekturë. Por regjisori i mirënjohur tha se propozimi i tij nuk ka asnjë pretendim fashist, por edhe po të ishte i tillë do të ishte shumë i bukur.

“Propozimi im nuk ka asnjë pretendim fashist , sepse po të ishte fashist do të ishte shumë më i bukur. Aty është stili unik i teatrove. Arkitektët le të bëjnë çfarëdolloj arkitekture të duan, megjithëse sot në Itali po pëlqehet shumë arkitektura fashiste. Arkitekti shikon se si rri ndërtesa me ndërtesat e tjera përreth, ndaj e kam lënë teatrin me stilin që ka qenë. Unë e improvizova. 2 teatre që janë të mos prishen dhe të ndërtohet një i ri. Veliaj mund ta ketë thënë në shpejtësi e sipër sepse po të mendohet mirë edhe vetë mund ta ndryshojë mendimin. Por të thuash teatër fashist është e pasaktë”

Bujar Kapexhiu, regjisor

Kapexhiu shpjegoi sot në studion e “Rreze Dielli” në Report TV se i tiji është thjesht një propozim dhe jo një projekt i mirëfilltë arkitekturor. Sipas tij, më e rëndësishme është që të ketë një konkurs të mirëfilltë ku të parashtrohen disa projekte.

“Gjuha e arkitekturës është e sofistikuar, e modernizuar dhe kjo mund të bëhet në çfaredolloj stili. Unë këtë e hedh si konkurs, por me idenë për të ndërtuar 1 kompleks teatri. Në të dy teatrot mungojnë sallat e provës në tavolinë, mungojnë arkivat, garderoba, biblioteka. Siç u dha ai projekt është si një gatim i mirë i parë nga një tenxhere e mbyllur. Aty thuhet se ka 600 vende , por që nuk kuptohet se ku janë. Me të qeshur e quaj danezin arkitekt të pakrehur. Nëse nga 10 mijë metra, tashmë janë 2000, ku shkojnë 8000 të tjerat?”

Bujar Kapexhiu, regjisor

8000 metrat e tjerë sipas Kapexhiut do të jenë kullat, që sipas gazetares Erjona Rusi janë edhe çelësi i këtij diskutimi. Me të qeshura , regjisori i përgjigjet se ky është një “çelës kopil”

Regjisori përveç projekt-propozimit të dhënë për teatrin i mëshon faktit se duhet të bëhet një konkurs i cili do të nxjerrë projektin më të mirë përfundimtar për teatrin. Nuk duhet thënë menjëherë fjala e fundit shprehet Kapexhiu. Ajo që është e rëndësishme është që Teatri të bëhet diçka e bukur që të kënaqë të gjitha palët.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lili: 23/03/2018 12:53

    Fashizmin e vrane vet italianet.Mos fol dokrra se je burre plak.Atehere ngjall Ducen e Badolen dhe sherbeju me zell atyre.Ta paska bere mire Enveri.Pastaj lepiheshe.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Parashikimi i motit, e enjte, 26 dhjetor

Parashikimi i motit, e enjte, 26 dhjetor

26 Dhjetor, 07:43