POP 5

Lajmet më të lexuara të 5 minutave të fundit

Kultura

Teatri i Shekspirit në Londër
dy vjet aventurame “Hamletin”

Me rastin e 450-vjetorit të lindjes së Shekspirit, “Globe Teater Shekspir” në Londër, një nga teatrot më të famshëm të botës, më 23 prill ka shpallur turneun e tij më ambicioz.
TIRANE- Me rastin e 450-vjetorit të lindjes së Shekspirit, “Globe Teater Shekspir” në Londër, një nga teatrot më të famshëm të botës, më 23 prill ka shpallur turneun e tij më ambicioz. Turneu do të nis me një aventurë të rrallë teatrore. Për dy vjet rresht “Hamletit” do të vizitojë 205 vende, ku do të shfaqet kryevepra e gjeniut të teatrit botëror. Në agjendën e këtij turi botëror, që zhvillohet në kuadër të 450 vjetorit të lindjes së Shekspirit, është vëdosur edhe Shqipëria.

Faqja zyrtare http://globetoglobe.shakespearesglobe.com/hamlet/the-map, tregon se një nga kryeqendrat që do kenë fatin të ndjekin “Hamlet” nga “Globe Teater” do jetë dhe Tirana. Sipas kalendarit të shpallur në faqen zyrtare të “Globe Teater”, “Hamlet” do të shfaqet në Teatrin Kombëtar të Tiranës më datë 7 Qershor. Gjithashtu shfaqja do të udhëtojë edhe në Kosovë, Mali të Zi, etj. Po sipas faqes zyrtare të “Globe Teater Shekspir” pas prezantimit që është menduar të jetë në skenën e Teatrit Kombëtar, më datë 10 Qershor do të jetë qyteti i  Prishtinës që do të presë një nga trupat më të njohura në botë, që do të sjellë në skenë tragjedinë e Shekspirit, për të vazhduar turin botëror edhe në Malin e Zi. 

Por pjesë e turit botëror është dhe qyteti i Shkupit, ku aktorët e njohur britanikë do të ndalen më datë 5 qershor, dy ditë para se të mbërrijnë në Tiranë. Para dy vitesh në kuadrin e lojërave Olimpike që u mbajtën në Londër, “Globe Teater” i Shekspirit organizoi për herë të parë në këtë teatër Festivalin Botëror të Shekspirit me të gjitha veprat e gjeniut. Ku një nga 37 trupat pjesëmarrëse në këtë festival botëror ishte dhe trupa e Teatrit tonë Kombëtar me veprën “Henri VI /pjesa e dytë”. 

Shkrimi u publikua sot 3 maj 2014 në gazetën Shqiptarja.com (print)

Redaksia online
(d.a/shqiptarja.com) 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Kuvendi Rinor i Tiranës, Veliaj: Nuk ka forcë në botë që më ndalojë, të bëj fushatën më fuqishëm për fitoren e PS dhe Edi Ramës

Kuvendi Rinor i Tiranës, Veliaj: Nuk ka forcë në botë që më ndalojë, të bëj fushatën më fuqishëm për fitoren e PS dhe Edi Ramës

15 Janar, 20:57