POP 5

Lajmet më të lexuara të 5 minutave të fundit

Kultura

Baleti 'Liqeni i Mjellmave' 2 netë në Pallatin e Kongreseve

“Liqeni i Mjelmave” do të shfaqet për publikun në datat 16 dhe 17 qershor - ora 20:00 në Pallatin e Kongreseve.
Baleti 'Liqeni i Mjellmave' 2 netë në Pallatin e Kongreseve

Balerina Adela Muçollari në prova për "Liqeni i Mjelmave"

Teatri Kombetar i Operas, Baletit dhe Ansamblit Popullor njofton se kryevepra e Tchaikovsky rikthehet ne Pallatin e Kongreseve si shfaqja me e suksesshme e trupës së baletit të TKOB në sezonin e shkuar.

“Liqeni i Mjelmave” do të shfaqet për publikun në datat 16 dhe 17 qershor - ora 20:00 në pallatin e Kongreseve, në 2 netë të jashtëzakonshme për publikun. Ndërsa biletat vijojnë shitjen ne sportelin e Pallatit te Kongreseve, çdo ditë nga ora 10:00-20:00. 

“Liqeni i Mjellmave” u dha për herë të parë premierë më 29 maj 2004 edhe në skenën tonë, duke udhëtuar nga Rusia në Shqipëri dhe duke përcjellë emocionet e një prej pjesëve të triologjisë Çajkovskiane. Një bashkëproduksion me balerinë bullgarë (Dilyana Nikiforova, Yasen Valchanov), dekor të ardhur nga Teatri Operas në Romë, me artistë shqiptarë në skenë, vënë në skenë nga koreografi “Artisti i Popullit” Agron Aliaj dhe dirigjentët Boris Spassov dhe Edmond Doko. Çajkovski ishte një kompozitor i madh rus i erës romantike si edhe dirigjent dhe pedagog.

Muzika e tij njihet dhe pëlqehet për karakterin e theksuar rus si edhe për harmoninë e pasur dhe meloditë energjike. Veprat e tij kanë një frymëzim më perëndimor se bashkëkohësit e tij, ato mishërojnë elemente ndërkombëtare të gërshetuar me meloditë popullore kombëtare.liqeni i mjelmave tob (4)

Çajkovski jetoi dhe krijoi në të njëjtën periudhë kur jetuan dhe krijuan veprat e tyre “Grupi i të pestëve”, por orientimi ideo-estetik i këtij kompozitori dallohet nga programi ideor i “Grupit të fuqishëm”. Çajkovski u mbështet krijimtarinë e tij në traditat e klasikëve dhe të romantikëve të Evropës Perëndimore e në radhë të parë të kompozitorëve gjermanë e francezë. Veprat e baletit që mbajnë emrin e tij ndër më të njohurat janë “Liqeni i Mjellmave” (1876), “Bukuroshja e fjetur” (1889) dhe “Arrëthyesi” (1892)

( Trupa e baletit të TKOB duke bërë prova për shfaqjen, e cila do të jepet në Pallatin e Kongreseve )

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Kosovë/ Shpërthen skuteri elektrik, përfshihet nga flakët një lokal

Kosovë/ Shpërthen skuteri elektrik, përfshihet nga flakët një lokal

2 Nëntor, 22:06