Në një qytet si Durrësi ku qendra mbizotërohej ende nga banesa të hershme dhe me një treg në formën e vet tradicionale, ngritja e një godine masive me elementë modernë kishte problematikat e saj. Në vitin 1965, kur përfunduan punimet e teatrit, nuk kishte dalë ende në dritë Amfiteatri antik, një monument që gati–gati do t’i jepte emrin e tij qytetit. Qendra e Durrësit duhet të kujdesej edhe për të shkuarën e vet të largët. Teatri do të bëhej një shembull i parë i bashkëjetesës mes kulturave të të njëjtit popull, me gati 2000 vjet hapësirë në mes.
![](https://www.shqiptarja.com/template/img/sh_logo1.png)