Megjithëse nuk ka pasur konfrontime dhe dhunë, protestuesit në tubimin e opozitës kanë hedhur shashka e tymuese në oborrin e parlamentit. Disa të tjerë kanë hedhur edhe pankartat kundër qeverisë, në drejtim të kordonit të policisë, para Parlamentit. “Rama ik!” kanë qenë thirrjet e tyre.
Protestuesit në tubimin e opozitës, i kanë vënë flakën dy gomave, duke krijuar një situatë tensionuese para Parlamentit. Një situatë e krijuar ndërsa ish-deputetët e opozitës mbajnë fjalime në një podium ngritur para Kuvendit, teksa brenda sallës mbahet seancë plenare.
Me hedhjen e tymueseve, kapsolleve dhe shashkave, efektivet e policise nisen te vendosin maskat kundragaz.
Fotot nga Antonio Çakshiri / Shqiptarja.com
Lajmi kryesor:
Opozita mbyll mes tensionesh protestën e katërt, Basha: Më 16 mars 'përcjellim' Ramën (VIDEO)
Ora 12:37
Tensione në protestë/ Tymuese, kapsolla, e pankarta drejt policisë...I vihet flaka gomave
