TIRANË- Tensione në protestën para Ministrisë së Arsimit. Protesta nisi e qetë, por pas një ore përshkallëzoi në akte dhune. Të rinj të maskuar arritën të shkulin kangjellat e trotuarit dhe më të të godasin rrethimin e Ministrisë së Arsimit. Një portë u shemb dhe studentët arritën të futen në oborrin e Ministrisë së Arsimit. Policia reagoi menjëherë, duke krijuar një kordon sigurie brenda në oborrin e Ministrisë dhe duke u kundërpërgjigjur me spray piperi.
Me thirrjet “dorëheqje” dhe “ju erdhi fundi” studentët qëlluan me pllaka trotuari në drejtim të godinës. Disa prej tyre arritën të thyenin edhe një pjesë të xhamave.
Po ashtu, drejt godinës u hodhën vezë, gurë e kapsolla. Pas akteve të dhunës, policia ndërhyri duke i shpërndarë me ujë.
Lajmi në përditësim...
Xhama të thyer, gjurmë boje të kuqe e vezësh dhe shkrime si ‘ikni’, 'rezisto' apo ‘nuk ju duam’ shihen mbi fasadën e godinës së Ministrisë së Arsimit.
Kreu i grupit të PS, Taulant Balla ka reaguar pas akteve të dhunës në protestë dhe sulmit ndaj godinës ndaj Ministrisë së Arsimit.
“Studentët nuk janë terroristë me maska! Nuk ka nxënës që thyejnë dritaret e shkollës”, shkruan Balla.
Pllakat dhe gurët e hedhur nga protestuesit kanë mbushur rrugën përpara Ministrisë së Arsimit. Ata kanë shkulur pllakat në trotuare për t’i hedhur kundrejt godinës së institucionit, si dhe ndaj efektivëve.
Një i moshuar në protestën te Ministria e Arsimit ka humbur ndjenjat në rrugë. Pranë i janë gjendur protestuesit të cilët po përpiqen t’i japin ndihmën e parë. Ndërkohë ka mbërritur edhe ambulanca për ta dërguar në spital.
Kryetari i Grupit Parlamentar të Partisë Demokratike, Gazment Bardhi, reagoi pas përplasjeve mes protestuesve dhe policisë te Ministria e Arsimit, duke kërkuar ndalimin e “terrorit policor ndaj rinisë”.
"Të rinjtë dhe të rejat që protestojnë për një Shqipëri më të mirë meritojnë respekt, jo dhunë; përgjigje, jo represion; liri, jo frikësim! Kush ngre dorë mbi rininë, dëshmon frikën nga zëri i saj dhe nga ndryshimi që ajo kërkon. Asnjë pushtet nuk mund ta shuajë me dhunë zërin e një brezi që kërkon dinjitet, drejtësi dhe të ardhme në vendin e vet. Mos e ngatërroni heshtjen me bindjen dhe frikën me nënshtrimin. Rinia nuk intimidohet, nuk blihet dhe nuk ndalet!Çdo akt dhune ndaj studentëve është një akt kundër së ardhmes së Shqipërisë. Dhe çdo pushtet që zgjedh dhunën përballë rinisë, përshpejton humbjen e legjitimitetit të vet. Duart larg studentëve!" shkruajti Bardhi nw njw postim nw rrjete sociale.
Përplasje fizike po ndodhin midis policisë dhe protestuesve në protestën te Ministria e Arsimit. Një protestues shihet teksa bën rezistencë, ndërsa efektivët e kapin për ta shoqëruar. Mësohet se deri më tani ka disa shoqërime, por nuk ka ende një numër të saktë.
Sipas raportimeve, protestuesit janë ndarë në dy grupe, një pranë autobotit me ujë dhe një pjesë tjetër e kufizuar nga kordoni i policisë. Të rinjtë po hedhin edhe vezë drejt efektivëve.
Pas akteve të dhunës te Ministria e Arsimit, Policia nis të shpërndajë protestuesit me ujë
Protestuesit që po protestojnë përpara Ministrisë së Arsimit kanë hedhur edhe fishekzjarre, flakadanë e ujë. Ndërkohë policia po përpiqet t’i shpërndajë duke hedhur ujë, spray me piper dhe gaz lotsjellës.
Ky është momenti kur një grup të rinjsh të maskuar qëllojnë me pallka trotuari godinën e Ministrisë së Arsimit. Një prje tyre sulmon me kangella një prej portave të Ministrisë.
Lajme të tjera
-
Hapen thirrjet për doktoraturat, financim deri në 30 mijë €! Kredi studentore me interes 0,5% për 500 të rinj
12 Tetor, 15:46
-
Nga pavarësia politike, fikja e telefonit, veshja dhe makijazhi, Ministria e Arsimit miraton Kodin e ri të Etikës! Rregulla strikte për punonjësit, nuk preken mësuesit
11 Tetor, 21:57 -
Diplomimi i 500 studentëve, Kumbaro: Ndërkombëtarizimi i Universitetit të Sporteve sjell ura të reja bashkëpunimi me universitetet europiane
2 Tetor, 15:14 -
Nis raundi i dytë i regjistrimeve në universitetet publike, kandidati i shpallur fitues ka dy ditë kohë për regjistrimin
25 Shtator, 10:17 -
Nis viti i ri shkollor, mbi 330 mijë nxënës në të gjithë vendin! 25 mijë prej tyre ulen për herë të parë në banka (VIDEO)
14 Shtator, 07:39 -
Të hënën nis sezoni i ri shkollor, ja çfarë duhet të dini për programin ‘Pas Shkolle’
12 Shtator, 13:42 -
Rezultatet e ‘Pisa 2025’/ Shqipëria rritje në renditje, por gjysma e nxënësve 15-vjeçarë janë analfabetë funksionalë
8 Shtator, 13:52
-
Del udhëzimi/ Inteligjenca artificiale në klasa, nxënësit dhe mësuesit mund të përdorin ChatGPT! Sfidë shmangia e kopjimit dhe dezinformimi
8 Shtator, 08:10
-
Viti i ri shkollor/ Pa celularë në klasa, kamera inteligjente në 20 shkolla! Sinjalizojnë për armë e thika (VIDEO)
7 Shtator, 12:01 -
Nis shpërndarja e librave shkollorë, përfitojnë 9000 nxënës! Për herë të parë, fëmijët e klasave I-V me tekste të reja
3 Shtator, 09:37 -
Njohje me mësuesit, shokët dhe rregullat, dita e parë nis me informimin, orientimin dhe sigurinë e nxënësve
2 Shtator, 10:51 -
Programi ‘Pas shkolle’, hapet sot thirrja për profesionistët e fushës! Afat deri më 10 shtator për të dorëzuar aplikimet
1 Shtator, 15:25
Komente
Komento