POP 5

Lajmet më të lexuara të 5 minutave të fundit

Kronikë

Tentoi të abuzonte me 13-vjeçaren, dërgohet për gjykim efektivi i policisë së Lezhës, prokuroria: Keqpërdori detyrën, kreu veprime të turpshme me të miturën

Prokuroria e Lezhës ka mbyllur hetimet dhe ka dërguar për gjykim çështjen në ngarkim të ish-efektivit të policisë Kol Kola, i cili u arrestua në muajin maj të këtij viti për ngacmim seksual të një vajze të mitur 13-vjeçare. Sipas organit hetues efektivi ka keqpërdorur atributet që i jep detyra funksionale duke kryer veprime të turpshme me të.

Tentoi të abuzonte me 13-vjeçaren, dërgohet për gjykim efektivi i policisë së Lezhës, prokuroria: Keqpërdori detyrën, kreu veprime të turpshme me të miturën

Efektivi i policisë së Lezhës, Kol Kola

LEZHË-Prokuroria e Lezhës ka mbyllur hetimet dhe ka dërguar për gjykim çështjen në ngarkim të ish-efektivit të policisë Kol Kola, i cili u arrestua në muajin maj të këtij viti për ngacmim seksual të një vajze të mitur 13-vjeçare. Ndaj 62-vjeçarit, i cili vijon të jetë me masën e sigurisë "arrest në burg" janë ngritur akuzat "Ngacmim seksual" dhe "Kryerja e veprimeve ose dhënia e urdhrave arbitrare".

Gjatë hetimeve organi i akuzës ka arritur të provojë se Kol Kola me detyrë Ndihmës Specialist i Policimit në Komunitet pranë Komisariatit të Policisë Lezhë, duke keqpërdorur atributet që i jep detyra funksionale, nëpërmjet mashtrimit se do ta shoqëronte në Komisariatin e Policisë, e ka marrë të miturën në makinë dhe e ka dërguar në një banesë në qytetin e Lezhës, që e kishte në përdorim, duke kryer veprime të turpshme me të.

Gjatë marrjes në pyetje 62-vjeçari i ka mohuar në vazhdimësi akuzat, duke e konsideruar ngjarjen si inskenim, ndërsa seanca gjyqësore paraprake për dërgimin e çështjes për gjykim do të zhvillohet brenda muajit shtator.

Kol Kola u prangos nga policia, pas denoncimit të bërë nga 13-vjeçarja e mitur e rrëfej atë çfarë i kishte ndodhur dhe menjëherë pas verifikimeve përmes provave shkencore dhe pamjeve filmike u provua se ka element te veprës penale. Kol Kola ka qenë pjesë e strukturave të policisë së shtetit prej shumë vitesh, duke shërbyer në disa zona të Qarkut të Lezhës.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58