DURRËS - Policia e Durrësit ka arrestuar një 44-vjeçar nga Tropoja pasi ka tentuar të korruptojë efektivët.

Petrit Çakrraj fillimisht është ndaluar pasi ishte pa dëshmi drejtimi dhe pa asnjë dokument mjeti. Sipas policisë së Durrësit gjatë një kontrolli që ai po i nënshtroheshe nga policia e rendit dhe qarkullimit rrugor tentoi të korruptonte punonjësit. Tashmë ndaj 44-vjeçari rendon edhe akuza e korrupsionit aktiv.

Gjate shoqërimit të tij iu bllokuan dy dokumente njëri në gjuhët Shqip-Anglisht dhe tjetri në gjuhën Serbe të cilët dyshohen se janë të falsifikuara me mbishkrimet "Antimafia", " Antiterror".

Në momentin e ndalimit u konstatua se ai ishte pa dëshmi drejtimi dhe pa asnjë dokument mjeti.
 
Petrit Çakrraj është një emër i njohur nga ana e Policisë së Shtetit pasi ka qenë një nga dëshmitarët kryesor në vrasjen e Azem Hajdarit
 
Redaksia Online
(a.h/shqiptarja.com)