Pesë të dënuar kanë tentuar që të arratisen nga burgu i Fushë Krujës. Gjatë kontrollit në qeli është zbuluar se të dënuarit kishin prerë hekurat e dritares, ndërkohë që është ndërhyrë menjëherë duke parandaluar planin për t’u arratisur nga burgu.
Sipas burimeve për REPORTTV qelia ndodhej në katin e parë pranë sektorit të sigurisë së zakonshme, ndërsa pas kontrollit është konstatuar se ishin prerë hekurat e dritares.
Emrat e personave që ndodheshin në atë qeli nuk bëhen publik, ndërsa dyshohet se për këtë është përdorur një sharrë hekuri e futur në burg nëpërmjet takimeve me familjarët. Sipas ministrisë së Drejtësisë personat që ishin në qelin me hekura të dëmtuara me prerje ndodheshin aty prej 15 ditëve
Një tentativë arratisjeje është parandaluar nga shërbimi i Policisë së Intitucionit të Ekzekutimit të Vendimeve Penale Fushë Krujë, pas kontrolleve të imtësishme dhe shumë të kujdesshme.
Në datë 01 maj 2018, rreth orës 11:52, gjatë kontrollit të ushtruar nga grupi i sigurisë, në godinën B (siguria e zakonshme), në njërën prej dhomave të katit të parë është konstatuar dëmtim i hekurave të zgarës së dritares së kësaj dhome.
Menjëherë janë marrë masa për sigurimin e të dënuarve që ndodheshin në këtë dhomë si dhe kanë nisur hetimet për zbardhjen e ngjarjes.
Në vend kanë shkuar grupe inspektimi nga Drejtoria e Përgjithshme e Burgjeve si dhe nga Shërbimi i Kontrollit të Brendshëm të Sistemit të Burgjeve, ndërsa është njoftuar edhe Komisariati i Policisë së Fushë Krujës.
Nga të dhënat paraprake, rezulton se dhoma ishte e sigurisë së ulët dhe shpesh herë ishte përdorur për akomodimin e personave të paraburgosur. Pesë personat që ndodheshin aktualisht në këtë dhomë, ishin aty prej jo më shumë se 15 ditësh.
Hetimet e mëtejshme do të bëjën të mundur zbardhjen e plotë të ngjarjes dhe vënien përpara përgjegjësisë ligjore për autorët.
Deklarata e Ministrisë së Drejtësisë
Komente
Lajme të tjera
-
Vendi nën 'pushtetin' e borës! Dhjetra fshatra të bllokuara nga veriu në jug! Rrugët të kalueshme me zinxhirë! Aksi Lezhë-Milot problematik, disa zona pa energji
14 Shkurt 2021, 08:00 -
Tentoi që të fuste drogë në burgun e Fushë-Krujës, arrestohet gardiani 28-vjeçar
9 Shkurt 2021, 18:46 -
6 të burgosur në IEVP-në e Fshë-Krujës pozitivë me COVID, izolohen në burgun e Shënkollit
25 Nëntor 2020, 10:37 -
Tre vatra zjarri në Krujë, flakët depërtojnë në burg, zjarrfikësja ndihmohet nga banorët (VIDEO)
12 Shtator 2020, 16:03 -
“Kemi marrë vesh se janë dhunuar dy të dënuar...”,debati i plotë mes policit të burgut e kushërinjve nga Fushë-Kruja
24 Gusht 2020, 18:44
Pse nuk i çoni me punë të detyruar ku ka nevojë vendi, në minierë, hekurudhë, rruga-ura, pastrim, prashitje, mbjellje etj. Dmth pas 8 orarshit nuk do kenë këllqe të presin hekura por i mbani më të ngrene e të pirë?! U ka vajtur be.. në qafë nga të ngrënët.
PërgjigjuCfare bejne shefat dhe policet. Kontro;;i ushtrohet cdo turn, pra sa pre duhen me u pre hekrat, besoj 3-4 dite. ky eshte pergjegjesia e Drejtorit dhe shefit te policise, apo vetem te mburren. Pra jane ata qe nuk e ndhene pergjegjesine pasi nuk kane kryer detyra drejtuese por rilindja nga shofera dhe police i beri drejtora she shefa. Mjere rilindja ,e keta
Përgjigju