RRËSHEN- Parakalimi me makine shërbeu si shkëndije për të ndezur një konflikt mes Bardhajve dhe Reçëve në Rrëshen që nisi me grushte dhe përfundoi me të shtëna.
Saimir Reçi, 41 vjeç u qëllua me 7 plumba pistolete nga distancë e afërt teksa lëvizte me “BMW” të blinduar në aksin Rrëshen-Ura e Fanit rreth orës 19:00 të së dielës. Asnjë plumb nuk e kapi nipin e Kastriot Reçit, të cilin e shpëtoi mjeti luksoz, i blinduar.
Ngjarja tronditi qytetin ku prej kohësh nuk ishte shënuar asnjë ngjarje kriminale, ndërsa policia arriti të prangosë mesditen e kësaj të hëne, njërin prej autorëve të dyshuar, 59-vjecarin Martij Bardhaj.
Vazhdojnë kërkimet për kapjen e Erind Bardhajt që njihet dhe me emrin Erind Videl si dhe Kristian Bardhajt me emrin e ndryshuar Kristian Marku. Të tre akuzohen për vrasje me paramendim mbetur në tentatië dhe armë pa leje. Policia e ka klasifikuar si “konflikt për motive të dobëta”.
Nga të shtënat, 41-vjeçari ka humbur kontrollin e mjetit dhe është përplasur me një bordurë, por pa pësuar dëmtime.
Saimir Reçi është nipi i Kastriot Reçit, ish-pronarit të “TV Mirdita”, i cili u vra në atentat mafioz tre vite më parë.
Burimet thanë se deri në këtë fazë të hetimit, ngjarja nuk lidhet me hasmërinë e hershme të familjes Reçi me familjen Gjini, ku janë shënuar 5 viktima në vitet 2000-2020.
Pa kaluar 24 ore nga ngjarja e ndodhur në Rrëshen, ku pas një konflikti u qëllua me armë automjeti me të cilin lëvizte Saimir Reçi, policia ka arrestuar njërin prej autorëve të ngjarjen. Në pranga është vënë Martin Bardhi, ndërsa në kërkim vijon të jetë djali i tij Enkrik Bardhi.
"Rrëshen, Mirditë
Si rezultat i veprimeve të shpejta operacionale, kapet dhe vihet në pranga njëri nga autorët e dyshuar të shpallur në kërkim lidhur me ngjarjen e ndodhur mbrëmjen e djeshme, në Rrëshën, ku pas një konflikti, u qëllua me armë zjarri në drejtim të automjetit të një 41-vjeçari.
Vijojnë kontrollet për lokalizimin dhe kapjen e 2 autorëve të tjerë të dyshuar(djali dhe nipi i shtetasit të ndaluar) pasi nga hetimet të 2 këta shtetas rezultojnë të përfshirë në këtë rast.
Si rezultat i veprimeve profesionale operacionale dhe policore të kryera për një rast të ndodhur rreth orës 19:00, të datës 26.03.2023, në Rrëshen, ku nga këto hetime, dyshohet se shtetasi M. M. (alias M. B.) 59 vjeç dhe shtetasit E. V. (alias E. B. alias E. M.), 31 vjeç e K. M. (alias K. B.), 28 vjeç, përkatësisht djali dhe nipi i shtetasit M. M, të tre banues në Mirditë, pas një konflikti për motive të dobëta, kanë qëlluar me armë zjarri, në drejtim të automjetit të shtetasit S. R., 41 vjeç, banues në Mirditë, u bë i mundur lokalizimin dhe kapja e shtetasit të kërkuar:
-M. M. (alias M. B.), 59 vjeç, banues në Rrëshen, për veprat penale "Vrasja me paramendim”, mbetur në tentativë, kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe i municionit”.
Vijon puna për kapjen e 2 shtetasve të shpallur në kërkim, si dhe nën drejtimin e Prokurorisë pranë Gjykatës së Rrethit Gjyqësor Lezhë, vijojnë hetimet për zbardhjen e plotë të ngjarjes dhe dokumentimin ligjor të përgjegjësisë penale të secilit prej shtetasve të përfshirë në këtë rast.
Materialet procedurale i kaluan Prokurorisë pranë Gjykatës së Rrethit Gjyqësor Lezhë, për veprime të mëtejshme", thuhet në reagim.
Lajme të tjera
-
Mirditë/ Me pistoletë me fishek në fole, kapet 29-vjeçari nga Nikla me dy emra, po arratisej drejt Italisë! Në kërkim për dhunimin e gjobitjen e pronarit të një karburanti (VIDEO+EMRI)
3 Nëntor, 10:21 -
'Riaktivizohet' marrëveshja! Gjadri do presë emigrantë 'të sigurt'
2 Nëntor, 15:25
-
Përplasi për vdekje këmbësorin në aksin Milot-Morinë, arrestohet 24 vjeçari nga Kosova
2 Nëntor, 11:47 -
Marrëveshja/ Nga e hëna rinis operacioni, emigrantët nga 'vendet e sigurta' do të akomodohen në Shqipëri
2 Nëntor, 08:05 -
Festa/ Fëmijët e Lezhës u thonë jo maskave të frikshme, vishen si ëngjej dhe shenjtorë
1 Nëntor, 15:27 -
Vrasja e Ardian Nikulajt, Gjykata e Lezhës lë në qeli portugezin Ruben Saraiva! Avokati: Të zbardhen mesazhet në Encrochat (VIDEO)
1 Nëntor, 10:45 -
Mat/ Pas një viti betejë me sëmundjen, ndërron jetë prifti i kishës katolike don Gianfranco Cadenelli
30 Tetor, 22:44 -
Protesta e opozitës, disa të shoqëruar edhe në Lezhë pasi bllokuan rrugën në Milot
30 Tetor, 11:53 -
Rriten kërkesat për strehim social në Lezhë, miratohet plani 5-vjeçar për t’iu ardhur në ndihmë familjeve në nevojë
30 Tetor, 10:19
-
Tkurren protestuesit te rrethrrotullimi i Milotit, nisin të largohen! Qytetarët: Protestojmë për vjedhjet e qeverisë dhe arrestimin e Sali Berishës!
29 Tetor, 19:28 -
Rrethrrotullimi i Milotit, nis djegia e gomave! Nuk mungon as 'oxhaku me dru' në mes të asfaltit, protestuesi duke ngrënë dhe pirë: Rama ik, kriminel!
29 Tetor, 18:25 -
VIDEO/Protesta e opozitës, digjen goma dhe në hyrje të autostradës në Fushë Milot
29 Tetor, 18:08
