“Marrëdhëniet e ngushta të cilat agjencia pretendon se Trump ka me Rusinë, janë një shenjë e një atentati që mund të bëhet shumë shpejt kundër Trump”, është shprehur Jones.
Sipas tij, CIA mund të përdori mercenarë për të realizuar qëllimin e tyre ose mund të përfshijë agjenci të huaja.
Jones e ka arsyetuar këtë teori të tij duke thënë se sapo Trump të marri detyrën e tij më 20 janar do të filloj të sjellë sërish vendet e punës në SHBA dhe kjo gjë do të thotë shkatërrim të globalizmit, si dhe shkatërrim të sistemit të CIA-s.
“Është e qartë që presidenti është në rrezik, ai duhet ta dijë se çfarë është duke ndodhur dhe unë besoj se është duke u informuar”, është shprehur prezantuesi duke shtuar se atentati është duke u përgatitur mbi argumentin se Trump është një spiun i huaj që do të pengojë vullnetin e popullit amerikan.
Zgjedhja e Trump si president është debatuar shumë së fundmi pasi u zbulua se në zgjedhjet amerikane kishte patur një ndërhyrje nga hakerat rus. Akuzat për manipulim të zgjedhjeve në favor të Trump i janë drejtuar Kremlinit dhe presidentit rus Vladimir Putin.
Vet Trump është shprehur shpesh se nuk i beson këto akuza dhe se janë thjesht një justifikim për humbjen e thellë të kandidates së Partisë Demokrate, Hilary Clinton.
Redaksia Online
D.T/Shqiptarja.com