TEPELENË- Banorët e komunës Kalivaç në Tepelenë kanë rinisur sërish protestat ndaj firmës koncensionare “Becheti” ndërsa punimet kanë shkatërruar fshatin, thonë banorët. 

Banorët, njëherësh edhe ish punonjës në HEC-in e Kalivacit të grumbulluar në hyrje të kantierit të ndërtimit të veprës energjetike, kanë kërkuar nga firma në fjalë respektimin e kontratës së nënshkruar me ta për shlyerjen e të gjitha detyrimeve të prapambetura.

Banorët kanë zhvilluar protesta edhe më parë, por deri tani nuk kanë marrë asnjë zgjidhje nga ana e firmës italiane. Ata kanë kërcënuar me grevë urie nëse firma italiane, nuk plotëson detyrimet financiare ndaj tyre.

Redaksia online
(e.sh/shqiptarja.com)