POP 5

Lajmet më të lexuara të 5 minutave të fundit

Sport

'Tërbohet' At.Madrid, pas Gallagher blen Alvarez për 95 mln €! Williams e lë thatë, Barcelona siguron Dani Olmon

Julian Alvarez dhe Conor Gallager do jenë dy futbollistët e rinj të Atletico Madrid. Pasi morën mesfushorin e Çelsit për 40 milionë euro spanjollët kanë mbyllur marrëveshjen edhe për sulmuesin e Citit që do iu kushtojë pothuajse 98 milionë euro. Sakaq Barcelona duket se është dorëzuar përfundimisht për Nico Williams.

'Tërbohet' At.Madrid, pas Gallagher blen Alvarez për 95 mln €! Williams e lë thatë, Barcelona siguron Dani Olmon

Sulmuesi argjentinas Julian Alvarez

Pakënaqësitë i kishte shprehur shpesh gjatë verës, por askush s’e mendonte se Julian Alvarez do bëhej futbollisti i Atletico Madrid gjatë kësaj merkatoje. Ylli i Argjentinës dhe Manchester Cityt ka zgjedhur të vazhdojë karrierën në La Liga, teksa sëfundmi arriti edhe marrëveshjen personale me ekipin e drejtuar nga Simeone. Atletico Madrid kënaqi sot kërkesat e anglezëve duke gjetur gjuhën e përbashkët për bazën e 75 milionë eurove, ndërsa 20 të tjera plus do jenë në formë bonusesh.

24-vjeçari është në pritje për të fluturuar në Spanjë, pasi kishte mbetur i zhgënjyer jo për minutat e vëna në dispozicion nga Guradiola, por sepse nuk është preferuar në ndeshjet deçizive të sezonit.

Më herët Atletico Madrid ka siguruar nga Chelsea mesfushorin Conor Gallagher, i cili gjithashtu është në pritje vetëm të zyrtarizimit. Spanjollët e blenë atë nga londinezët për 40 milionë euro, ndërsa edhe Chelsea ka bërë merkato te Atletico. Blutë e Londrës kanë paguar 40 milionë euro për sulmuesin Samu Omorodion, i cili sezonin e fundit luajti si i huazuar te Alaves.

Ndërkohë shumë e komplikuar për Barcelonën është bërë pista e Nico Williams, pasi ky i fundit i ka shprehur besnikëri Atletico Bilbaos. Mediat në Spanjë shkruajnë se i vëllai, Inaki Williams, i ka kërkuar të qëndrojë edhe një sezon në Bilbao. Megjithatë drejt tymit të bardhë shkoi marrëveshja për Dani Olmon. Drejtori i Barcelonës ka udhëtuar sot në Gjermani dhe ka mbyllur marrëveshjen për 60 milionë euro dhe shumë shpejt pritet të hidhet e zeza mbi të bardhë.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu