Numri i denoncimeve për korrupsion dhe vendime të padrejta kundër gjyqtarëve dhe prokurorëve, referuar nga qytetarët pranë Komisionit të Pavarur të Kualifikimit, organit bazë të Vetingut, ka shkuar në 3 640, tregues i besimit tek Vetingu. Sipas regjistrit që ka siguruar Shqiptarja.com, denoncimet janë depozitar pranë Komisionit të Vetingut, në harkun kohor të dy viteve, tetor 2017-gusht 2019. Denoncimet përmbajnë informacione të detajuara dhe në shumë raste edhe prova për korrupsionin, vendimet arbitrare, lidhjet me krimin, fshehjen e pasurive në emra të tjerë etj., për prokurorë dhe gjyqtarë që i janë nënshtruar dhe pritet t’i nënshtrohen procesit të Vetingut, për ligjshmërinë e pasurive, pastërtinë e figurës dhe aftësitë profesionale. Sipas regjistrit të Komisionit të Pavarur të Kualifikimit, gjatë tre muajve të fundit të vitit 2017 janë referuar 435 denoncime nga qytetarët. Gjatë vitit 2018 janë referuar pranë KPK 1858 denoncime, ndërsa gjatë periudhës janar-gusht 2019 janë referuar 1 347. Numri më i lartë i denoncimeve kundër gjyqtarëve dhe prokurorëve rezulton në muajin dhjetor të 2017, me 321 denoncime.
3 640 janë referuar vetëm pranë Komisionit të Pavarur të Kualifikimit. Me qindra denoncime të tjera janë depozituar në Kolegjin e Posaçëm të Apelimit, i cili thotë edhe fjalën e fundit për gjyqtarët dhe prokurorët në raport me drejtësinë. Ligji nr. 84/2016 “Për rivlerësimin të gjyqtarëve dhe prokurorëve në Republikën e Shqipërisë”, në nenin 53 të tij, parashikon se: “Çdo person që vjen në dijeni të fakteve ose rrethanave që mund të përbëjnë prova në lidhje me kriteret e rivlerësimit ka të drejtë të informojë drejtpërdrejt institucionet e rivlerësimit...”. Për këtë arsye, Komisioni i Pavarur i Kualifikimit mban regjistrin e denoncimeve. Në këtë regjistër mbahen të dhëna lidhur me numrin e denoncimeve, të dhënat e denoncuesit dhe subjektin e rivlerësimit për të cilin bëhet denoncimi. Çdo denoncim i qytetarëve verifikohet nga trupa gjykuese gjatë verifikimit të gjyqtarit apo prokurorit. Nëse denoncimi konfirmohet me prova dhe fakte, trupa gjykuese e përfshin në listën e arsyeve për shkarkimin e subjektit nga detyra.
Bashkëpunëtori
Ligji për Vetingun ka një nen për bashkëpunëtorin e drejtësisë gjatë Vetingut. Neni 54 parashikon mbrojtje të veçantë dhe amnisti për çdo qytetar, i cili ka marrë pjesë në vepër penale me një gjyqtar apo prokuror, por që shpreh vullnetin për të bashkëpunuar me organet e Vetingut, duke dhënë informacion të mjaftueshëm për praktikën korruptive ndërmjet tij dhe subjektit të rivlerësimit. Bashkëpunëtori i drejtësisë duhet të japë informacion të plotë dhe pa asnjë rezervë ose kusht, për të gjitha faktet, ngjarjet dhe rrethanat që shërbejnë si prova vendimtare për zbulimin, hetimin dhe parandalimin e korrupsionit të subjekteve të rivlerësimit.
Sipas ligjit, bashkëpunëtori i drejtësisë, në këtë rast nuk mund të ndiqet penalisht për veprat e korrupsionit që ka kryer me subjektin e rivlerësimit, sipas dëshmisë së dhënë. Ndërkaq, gjyqtari apo prokurori që ka përfituar shumën, mbart detyrimin t’ia kthejë atë bashkëpunëtorit të drejtësisë, pavarësisht se ka shkelur ligjin. Subjekti i rivlerësimit nuk legjitimohet të ngrejë pretendimin se fitimi i ardhur për shkak të kësaj shume ka humbur gjatë kalimit të kohës.
(Kliko këtu për të lexuar regjistrin e denoncimeve të paraqitura pranë KPK për vitin 2017)
Komente
Lajme të tjera
-
Sulm vettingut në Gjykatën e Strasburgut, 130 gjyqtarë e prokurorë të shkarkuar bëjnë padi në GJEDNJ! Vetëm 1 vendim i rrëzuar
10 Nëntor, 16:27
-
KPA rikthen në detyrë prokurorin e Tiranës, Genci Qana ishte shkarkuar tre vite më parë nga KPK, ONM e kritikoi si 'vendim të paarsyeshëm'
1 Tetor, 18:06 -
Një grup me 14 gjyqtarë të dy shkallëve të GJKKO vizitë në SHBA: Ju mbështesim të vendosni në mënyrë të pavarur dhe me fakte, pavarësisht kërcënimeve!
25 Shtator, 10:57 -
'E ka dorën pak të rëndë...' Qytetari tregon eksperiencën e keqe tek klinika e doktor Mondit! I nxorën analizat mirë, në Itali zbuluan tumori malinj
27 Qershor, 22:10 -
Pas vendimit të KPA, Prokurorja Antoneta Sevdari kthehet në detyrë! Shteti duhet t’i kthejë pagat që prej përjashtimit në shkurt 2019
13 Maj, 12:54
-
26 mln lekë gjobë bujkut se ndërtoi kasollen e 3 lopëve pa leje! Braçe i indinjuar denoncon rastin: A jeni në terezi?
8 Maj, 17:12 -
Raporti për lirinë/ Freedom House: Qasja e shqiptarëve në drejtësi po përmirësohet! Shqipëria dhe Kosova vende ‘pjesërisht të lira’ pavarësisht përparimeve
29 Shkurt, 07:43 -
U shpall fajtor për fshehje pasurie, Ish anëtari i Kolegjit të Posaçëm të Apelimit, Ardian Hajdari dënohet me 1 vit burg! Dënimi i konvertohet në 2 vite shërbim prove
24 Janar, 13:18 -
Qytetarët bënë 2104 ankesa për gjyqtarët, ILD propozoi 3 shkarkime, 5 ulje page dhe 1 vërejtje publike
20 Nëntor 2023, 13:55 -
Gjyqtarët e Kolegjit të Apelimit, vizitë në Gjykatën Evropiane të të Drejtave të Njeriut në Strasburg
15 Nëntor 2023, 18:56 -
40 gjyqtarë i shtohen sistemit të drejtësisë! Mesazhi i Llagamit: Kultivoni durim dhe përulësi, drejtësia dhe e vërteta e gjejnë vetë rrugën e tyre
20 Tetor 2023, 12:29 -
40 gjyqtarë të tjerë i shtohen sistemit të drejtësisë, betohen nesër në KLGJ
19 Tetor 2023, 16:47
Per mendimin tim ne 30 Vite ska pasur drejtesi ne shqiperi Horra hajdut e kriminel kan drejtuar drejtesin ne shqiperi per mua denim me varja
PërgjigjuJa si Prokuroria Elina Kombi qe ben pazare e leke me gjakun e nje nene...
PërgjigjuE dhimbeshe shume eshte, por une qe i kam provuar ne kurriz disa nga keta gjyqtare, kam bindje se nje mase e konsiderueshme e tyre (te paktenn rreth 50%), nuk jane thjesht te korruptuar, etj, etj, por jane kriminel. Kriminel te zese! Vampire gjakpires ! Kane shkaterruar jete shqiptaresh me gjakftohtesi krokodilesh ! Mostra, qe po nuk perfunduan ne burgje, nuk eshte bere asgje ! Vdekje kriminelve!
PërgjigjuOrganizate mafioze!!!Mjere ata qe kane vuajtur pangopesine e ketyre antishqiptareve te plepisteve haxhiqamilist,fytyra te ndyra,shpirtzinj!Tani e kuptojme se sa keq na ben nje hajdut pulash!Kjo do te thote qe shteti ka rene.Drejtesia,presidenca,korrupsioni ne administrate...Flm shba,be!!!!!
PërgjigjuDirigjenti I padrejtesive ka qene Zhezair Zagari ndaj te gjithe vendimet e tij te shpallen NUL ketij maskarai ti sekuestrohet pasuria e vjedhur te ndiqet penalisht dhe te denohet ne menyre shembullore 'Ky halabak ka ushtruar genocid ndaj njerzeve me vendimet qe ka dhene ndaj duhet izoluar urgjent
PërgjigjuKane lene nam kto derra....jane bere te paprekshem
PërgjigjuKaq injorante jan edhe te jesh i pafajshem kerkojn lek
PërgjigjuSkeni nevoje per denoncime!!! Hapimi dosjet e 30 viteve e mjafon me kuptuar cfare zullumi kane bere
Përgjigju