Një tërmet me magnitudë 4.4 ballë goditi Shqipërinë në orët e para të mëngjesit të sotëm, 24 qershor. Epiqendra ishte 16 kilometra në veriperëndim të Tiranës dhe 12 kilometra në jug-jugperëndim të Krujës.

Në lidhje me këtë sizmiologu Rrapo Ormëni përmes një lidhje të drejtpërdrejtë tha në ‘Sot Live në Shqipëri’ se ky lloj tërmeti nuk ka asnjë lidhje me atë që ra në 26 nëntor të 2019.

“Ky tërmet ndodhet larg zonës së tërmeteve të parë. Nuk ka nevojë për panik sepse ka qenë një tërmet pa rrezik. Pas tij janë shënuar mbi 10 pasgoditje - dhe më e madhja ka qenë 3.4”, tha Ormëni teksa shtoi se lëkundjet u ndjenë në Krujë e Durrës.

Ormëni nënvizoi se lëkundjet më së shumti u ndjenë në zonën afër epiqendrës dhe tek pallatet e larta.

Teksa u pyet nga gazetari Nertil Agalliu nëse tërmetet janë ndikuar edhe nga thatësira Ormëni tha se kjo gjë bie poshtë pasi Shqipëria është një vend me aktivitet sizmologjik.

Në fund të intervistës Ormëni përmendi edhe disa nga zonat më të rrezikuara që preken nga tërmeti.

“Zona perëndimore, Shkodra, Lushnja, Korça e Dibra janë ndër zonat më të rrezikuara për t'u prekur nga tërmeti”, tha ai ndërsa theksoi se tërmetet kanë ciklin e vet dhe të tilla tërmete si ai i 2019 bien njëherë në 100 vjet.

Xh.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Janar, 18:35

    Arratisja e Ndocit, mendoni se Burgjet kanë standardet e duhura të sigurisë?

Lajme të tjera