Tërmeti 7.4 ballë godet ishujt Kermadec në veri të Zelandës së Re, jepet paralajmërim për Cunam

Një tërmet me magnitudë 7.4 ballë të shkallës Rihter ka goditur ishujt Kermadec dhe Oqeanin Paqësor duke shkaktuar paralajmërim për Cunam.

Ministria e Mbrojtjes dhe Menaxhimi i Emergjencave në Zelandën e Re lëshoi një paralajmërim ku u bëri thirrje njerëzve të largoheshin nga plazhi pasi priten rryma të forta dhe të rrezikshme.

Autoritetet thonë se Zelanda e Re mund ta shmangë Cunamin.

Ashpërsia e rrymave dhe rritja e valës mund të jetë e paparashikueshme në orët e ardhshme.

Qendra Paralajmëruese e Cunamit na Havai lëshoi një deklaratë duke paralajmëruar se një kërcënim për cunam ekziston për pjesët e Paqësorit që janë më afër vendit ku ndodhi tërmeti.

Deri më tani nuk ka ndonjë kërcënim për Australinë.

A.AG/Shqiptarja.com
Komento