X

POP 5

Lajmet më të lexuara të 5 minutave të fundit

Kronikë

Tërmeti i 26 nëntorit, Prokuroria e Durrësit hetim të gjerë për lejet dhe si u ndërtuan pallatet

Pasojat e rënda të tërmetit të 26 nëntorit në Durrës kanë ardhur edhe si pasojë i abuzimeve me lejet e ndërtimit. Prokuroria e qytetit bregdetar njoftoi sot se ka nisur një hetim të gjerë për shpërdorim detyre e ndërtim të paligjshëm. Një hetim ka nisur edhe për pallatin ku banojnë prokurorët apo familjarët e tyre, i cili ka patur leje për 8+1 ka përfunduar me 10 plus kate ndërtim.

Lejet e ndërtimit, të dhëna nga pushteti lokal në Durrës tek pallatet e konstatuara me dëmtime serioze pas tërmetit të 26 nëntorit, janë duke u hetuar nga prokuroria e qytetit bregdetar.

Në një njoftim për mediat prokuroria bënë me dije se në procedimin penal 2512 të nisur prej 2019 ka në hetim për shpërdorim detyre e ndërtim të paligjshëm disa persona.

Sipas akuzës pjesë e hetimit është edhe leja e marrë për këtë pallat që shihni në pamje në të cilin janë konstatuar dëmtime serioze, pallat në të cilin janë prekur edhe prokurorë e familjarë të tyre që banojnë aty.

Ndaj këtij pallati ka patur edhe një kallëzim konkret ku sipas prokurorisë thuhet  ’’Ky procedim penal është filluar mbi bazë të kallëzimit të shtetasit Bashkim Xhika, banor i këtij pallati. Në kallezimin e tij të datës 04/12/2019, ky shtetas ngre pretendimin se si pasojë e ndërtimit tej lejes së miratuar nga ana e Bashkisë Durrës, nga 8+1 kat në 10+1, ka ndodhur edhe dëmtimi i godinës duke u mënjanuar. Objekti, pallati 10+1 kat, ndodhet në lagjen nr. 5, rruga “Stefan Dhima”, pallati nr. 8, i ndërtuar nga shoqëria ndërtuese “Ndregjoni”, me investitor shtetasin Osman Peposhi”.

Në 2019 sipas prokurorisë ky pallat është nxjerrë sipas ekspertizës së institutit të ndërtimit me dëmtime mesatare dhe serioze, klasifikuar DS2.

Me të drejtë kërkohet vënia para përgjegjesisë e personave përgjegjës por kjo do të arrihet vetëm mbi bazën e një hetimi të gjithanshëm që për vetë natyrën e çështjes penale kërkon një shtrirje në kohë, që kur është aplikuar për lejet e ndërtimit, si janë dhënë këto leje, si ka filluar të ndërtohet dhe mbi të gjitha mbi cilësinë e ndertimeve në këto objekte.

Duke sqaruar për ecurinë e hetimit të këtij rasti akuza e Durrësit sqaron se "Ngjarja per te cilen po hetohet eshte sensitive dhe ka demtuar e prekur jo vetem banoret te cilet kane shprehur shqetsimin e tyre per vijueshmerine e hetimit por ka prekur dhe demtuar gjithashtu prokuroret dhe te afermit e tyre duke e bere rastin shume te ndjeshesh dhe me pasoja tejet te renda per vazhdimin e jetës se tyre“.

Aktualisht për dëmet post tërmet dhe humbjen e jetës së 24 personave në Durrës askush nuk ndodhet në qeli. Pak ditë më parë reporttv mësoi nga burime pranë prokurorisë në Durrës se tek pallatet me viktima, ekspertiza kish nxjerr si shkak të pasojave të rënda edhe cilësin e dobët të hekurit dhe betonit në këto ndërtime.

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kasem gahinji: 15/10/2020 11:17

    Prokuroria duhet te shteije hetimin ne çdo pallat qe eshte demtuar nga shkalla ds1,ds2,ds3,ds4.ndryshimet dhe abuzimet me ndertimet jane te dukeshme.ne l.17 durres,sapo u shemb nje pallat i ndertuar nga kastrati.dy pallate para tij,buze rruges dalip peza ,pallati i ndertuar nga koç papa, ne projekt 9 kate plus nje nentoke.ka shkuar 13 kate plus nje.ne ate terren kenetor platforma e ndertimit e paizoluar nga poshte.ndaj ka ndodhur fenomeni i kulles se pizes te pallati qe u shemb.te verifikohet pasha e llogaritur per çdo solete ne projekt dhe ne fakt.a mban terreni peshen per meter katror te ndertuar ne fakt?ndertuesit justifikohen me shprehjen "e kam shitur 10 15 vjet perpara."por mina me sahat ka ngelur.kush do te eliminoje demet?a mund te eliminohen demet e shkaktuara?jo,po nuk u percaktuan dhe eliminuan shkaqet.ndaj ndertuesit duhen te pergjigjen ligjerisht,bashke me arkitektet dhe zyrat qe japin banueshmerine,lejen e banimit.ndryshe "i thoni banoreve "harro mushke valarene ."

    Përgjigju
  • Sondazhi i ditës:

    Sa i përhapur është korrupsioni në Shqipëri?

Lajme të tjera



×

Lajmi i fundit

Meta sulmon sërish Altin Dumanin: Nuk i druhem një prokurori që s’di të thotë dy fjalë

Meta sulmon sërish Altin Dumanin: Nuk i druhem një prokurori që s’di të thotë dy fjalë

23 Prill, 16:35 nga Ergys Kavaja