Tërmeti në Turqi/ Ambasadori Rodo për Report Tv: Në Elazig s'jetojnë shqiptarët, për pasojë s'ka të lënduar! Jemi në gatishmëri (VIDEO)

TURQI- Ambasadori shqiptar në Turqi, Kastriot Robo ka konfirmuar se nga viktimat në Turqi si pasojë e tërmetit nuk ka shqiptarë. Në një lidhje telefonike për Report Tv, Rodo shprehet se ambasada shqiptare është në gatishmëri, teksa sqaron se vendi ku ka rënë tërmeti nuk është i populluar nga shqiptarët, e për pasojë nuk raportohet për të lënduar.  

"E vërteta është që zona ku ka rënë tërmeti është pak larg nga ana e qendrave dhe na rezulton që asnjë i huaj nuk është viktimë nga tërmeti, përfshirë as shtetas shqiptar. Gjithsesi, kemi rritur gatishmërinë dhe ne jemi të gatshëm që në rast evenimenti të mundshëm që të ketë një shtetas shqiptar që ka nevojë për ndihmë jemi në gatishmëri të plotë", shprehet Rodo për Report Tv.

Ndërkohë, më herët një lajm i tillë është konfirmuar edhe nga ministrja e ekonomisë, Anila Denaj e cila ndodhet për një vizitë punë në Turqi. Nga ana tjetër,  Ambasada shqiptare në Ankara ka vënë në dispozicion tre numra kontakti për të ndihmuar dhe mbështetur të gjithë shtetasit shqiptarë që mund të jenë prekur nga kjo fatkeqësi natyrore.

Për cdo ndihmë dhe mbështetje janë në dispozicion numrat e mëposhtëm:

Ambasada Ankara:
0090 312 441 61 0304
0090 549 561 1985
Konsullata Stamboll:
0090 212 44 32 56

Turqia lindore u godit nga një tërmet i fuqishëm me magnitudë 6.8 rihter mbrëmjen e të premtes. Deri më tani sipas Ministrit të Brendshëm të Turqisë, janë shënuar të paktën 29 viktima, ndërkaq mbi 100 banesa janë të rrënuara duke lënë pas mijëra të plagosur. Epiqendra e këtij tërmeti të fortë ka qenë pranë zonës së quajtur Elazig, ku u shënuan edhe më shumë viktima dhe dëmet e mëdha materiale.

B.K./r.k./Shqiptarja.com
  • Sondazhi i ditës:

    Me 14 muaj punë, gjyqtarja që liroi Fjolla Morinën merr zakonet e 'drejtësisë së vjetër'! A është kjo drejtësia e re që prisnit?

Komento


×

Lajmi i fundit

John

'Ti më shpëtove nga koma', Navalny nga spitali dedikim romantik për bashkëshorten në 20-vjetorin e martesës