POP 5

Lajmet më të lexuara të 5 minutave të fundit

Kronikë

Terminali multimedial, flet pronari: 
Bashkia po vepron në mënyrë ilegale

Hajdin Qejvani është pronari i truallit në të cilin Bashkia e Tiranës ka parashikuar ndërtimin e terminalit multimodal në kryeqytet në afërsi të Kthesës së Kamzës. Për mikrofonin e A1 Report ai denoncon veprimet e policisë bashkiake të Tiranës, duke u shprehur po vendosin në mënyrë të paligjshme një tabelë në pronën e tij. VIDEO
TIRANË - Hajdin Qejvani është pronari i truallit në të cilin Bashkia e Tiranës ka parashikuar ndërtimin e terminalit multimodal në kryeqytet në afërsi të Kthesës së Kamzës. Për mikrofonin e A1 Report ai denoncon veprimet e policisë bashkiake të Tiranës, duke u shprehur po vendosin në mënyrë të paligjshme një tabelë në pronën e tij.

“Ne jemi pronar të gjithë kësaj prone, të një sipërfaqe 99 mijë e 247 metra katrorë, dje paradite para orës 10:00, punëtorë të bashkisë të shoqëruar me policinë bashkiake kanë ardhur në mënyrë të jashtëligjshme për të vendosur një tabelë sic e shikoni konkretisht. Se si Bashkia Tiranë do të zaptojë pronat ë pronarëve, tokat e trashëguara më parë dhe del dhe thotë se projekte të mëdha të bashkisë mi ka bllokuar kryeministri i vendit.”- tha Qejvani.

Përkundër pretendimeve të bashkisë së Tiranës se qeveria ka bllokuar ndërtimin e projektit, ai pohon se bashkia nuk ka shlyer asnjë detyrim ndaj tij si pronar.

“Nuk jemi kundra ndërtimit të terminalit por ne si pronarë të pyetemi dhe të kemi lidhë aktmarrëveshje. Unë kam 8 takime me kryetarin e Bashkisë, më ka thënë që do të bëjmë akt-marrëveshje por në të kundërt del në TV dhe thotë që unë do ta bëj pa 10 lekë. U bë hera e dytë që për këtë pronë, këtu shpenzohen mbi 1 milionë  e 600 mije euro tendera studime, se gjoja dhe po bëjmë studimet.”- shtoi Qejvani.

Bashkia e Tiranës nuk ka bërë akt-marrëveshje me banoret për mënyrën se si do të shlyhen detyrimet financiare.
 
Redaksia Online
(a.h/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Kosovë/ Kryeministri Kurti takohet me zëvendëssekretarin e SHBA-ve, Richard Verma

Kosovë/ Kryeministri Kurti takohet me zëvendëssekretarin e SHBA-ve, Richard Verma

10 Janar, 16:04