Partneri juaj ju thotë se jeni shumë e bukur, nëna juaj se duhet të bëni më shumë përpjekje dhe ndërsa merni pasqyrën për të parë veten mund të fiksoheni në atë mënyrë që gati gati humbisni aty.

Mundoheni të analizoni nëse jeni me të vërtetë e bukur apo jo por me të gjitha opinionet e ndryshme që ju japin jua ndërlikojnë akoma më shumë situatën.

Studiuesit kanë krijuar një program kompjuterik, i cili ju tregon saktësisht se sa të bukur jeni.

Programi quhet Anaface. Kjo gjë mund të bëhet e mundur falë analizës së simterisë së fytyrës suaj.

Algoritmi i përdorur është i bazuar pjesërisht në përmasat e bukurisë neo-klasike.

Ju fusni një foto tuajën në këtë program dhe ai ju udhëzon ti përqëndroni tiparet në disa pozicione të përcaktuara, sytë, ballin, veshët e kështu me radhë.

Artistët dhe arkitektët që nga rinlindja janë përpjekur të përcaktojnë sasinë e bukurisë duke u bazuar në rregulla porpocionale matematikore.

Kohët e fundit studimet e përsëritura shkencore kanë treguar se simetria luan një rol jetik në perceptimet tona të tërheqjes, ndoshta sepse tregon shëndet të mirë dhe të plotë, gjene të mire-ekuilibruara.

Kjo mund të vlejë për të dyja gjinitë, edhe për meshkujt.

Studiuesit e këtij programi pyetën fillimisht gjashtë shkrimtare se sa të bukura mendonin se ishin dhe më pas i futën foto e tyre në program.

Në fund ato nxorrën rezultatet reale të bukurisë së tyre.

(b.t/shqiptarja.com)