Tetë të plagosur në dy aksidente
5 pjesëtarë të një familjeje

TIRANE - Pesë anëtarë të një familjeje janë plagosur paraditen e sotme si pasojë një aksidenti automobilistik në aksin rrugorë Ura e Drinit Zi-Morinë në Kukës. 

Automjet tip benz me targa AA 194 GM ka dalë nga rruga dhe për pasojë janë plagosur rëndë bashkëshortët Pëllumb dhe Drita Derveni, përkatësisht 59 dhe 57 vjec, si dhe tre vajzat Brisida Taga, Luljeta Turku dhe Liljana Ajazi , të cilat janë jashtë rrezikut për jetën. 

Dy bashkëshortët janë dërguar në Spitalin e Traumes në Tiranë për kurim më të specializuar, ndërsa tre vajzat janë jashtë rrezikut për jetën dhe po marrin mjekim në spitalin rajonal të Kukësit. 

Sipas policisë, mjeti po udhëtonte nga Kosova dhe shkak dyshohet lagështia në rrugë.

AKSIDENT NË FUSHË KRUJË-TIRANË, 3 TË PLAGOSUR
Ndërkohë një tjetër aksident u shënua në orët e pasdites në aksin Fushë Krujë-Tiranë.

Për pasojë janë plagosur 3 persona nga përplasja e dy automjeteve me njëra-tjetrën, në fshatin Arrameras. Një mjet tip “Nisan” me targa greke u përplas me një mjet tip “Benz” me targa TR 4854 D. Tre të plagosurit, të cilët udhëtonin në mjetin me targa greke janë dërguar në spitalin Ushtarak të Tiranës dhe udhëtonin nga Laçi në drejtim të kryeqytetit.

Shkak i aksidentit është bërë parakalimi i gabuar i mjetit me targa greke, në tentativë për të hyrë në një karburant.

Redaksia online
(e.s/sg/shqiptarja.com)